Вандангийн Алзахгүй

Вандангийн Алзахгүй (Говь-Алтай аймгийн Шарга сумын Сондуулт багийн Угалзын толгойд төрсөн) - Монгол Улсын Гавьяат багш /2021/, түүхийн ухааны доктор, профессор, сэтгүүлч, зохиолч.

Намтар

Говь-Алтай аймгийн Халиун сумын дунд сургуулийн 8-р ангийг 1970 онд төгсөөд 7-р сарын 15-нд Төгрөг сумын Хувьсгалт Залуучуудын Эвлэлийн үүрийн нарийн бичгийн даргаар ажиллаж амьдралын гараагаа эхэлсэн.

1972 онд Говь-Алтай аймгийн ХЗЭ-ийн Хороонд зааварлагч.

1974-1979 онд ЗХУ-ын Москва хотноо Комсомолын дээд сургуулийг “онц сайн” дүнтэй төгссөн.

1981 онд Говь-Алтай аймгийн ХЗЭ-ийн Хорооны дарга.

1987-1990 онд ЗХУ-ын Хүмүүнлэгийн ухааны их сургуулийн /хуучин Комсомолын дээд сургуулийг/ аспирантурт суралцаж түүхийн ухааны докторын зэрэг хамгаалсан.

1990-1994 онд "Үнэн" сонины сурвалжлагч.

1994-1996 онд Монгол Улсын Их хурлын гишүүн (Гэндэнсамбуугийн Зуунай гишүүний оронд нөхөн сонгуулиар).

Эрдмийн зэрэг цол олгох Дээд зөвлөлийн эрдэмтэн нарийн бичгийн дарга.

2014-2020 онд Боловсролын Магадлан итгэмжлэх үндэсний зөвлөлийн гүйцэтгэх захирал.

Гэр бүл

Эхнэр нь Сүхийн Даваасүрэн.