Баянмөнхийн Цогоо

Баянмөнхийн Цогоо (1948-1988) соёл, гэгээрлийн ажилтан, ая зохиогч, дуу хөгжмийн багш, судлаач. 1948 онд Улаанбаатар хотод төрсөн. 1956 онд нийслэлийн 10-р сургуульд 1-р ангид элсэн орсон. 1966 онд нийслэлийн 24-р сургуулийг төгссөн. 1967 онд Багш нарыг бэлтгэх сургуулийн Соёл, гэгээрлийн ажилтны ангийг дүүргэсэн. 1967-1971 онд Хэнтий аймгийн Биндэр, Өмнөдэлгэр сумын дунд сургууль, 1971-1978 онд Нийслэлийн арван жилийн 41-р сургууль, найман жилийн 7-р сургууль, Хүүхдийн асран хүмүүжүүлэх сургууль, 1984 оноос Хэнтий аймгийн Бор-Өндөр сумын дунд сургуульд дуу хөгжмийн багшаар ажиллаж байсан.

1977 онд МХөЗХ-ны гишүүнээр элссэн.

МХЗЭ-ийн ТХ-ны "Залуу үеийг халамжлан хүмүүжүүлэгч" цол тэмдгээр шагнагдсан.

Монголын хөгжмийн урлаг, тэр дундаа хүүхдийн дууны урлагт үнэтэй хувь нэмэр оруулсан уран бүтээлч.

Уран бүтээл

Дуу

• "Атрын уянга" (шүлэг С.Цэрэндорж)
• "Намрын шөнө голын эрэг дээр" (шүлэг Б.Бааст)
• "Өргөө гэр" (шүлэг Б.Даг.Жамъян)
• "Туждаа хамт явах юмсан" (шүлэг Даг.Жамъян)
• "Уудам нутаг" (шүлэг Ж.Ёндонсамбуу)
• "Эрдэнэтийн үдэш" (шүлэг Г.Мэнд-Ооёо)
• "Эх орон танаа" (шүлэг Ж.Шагдар)
• "Ээждээ өргөх ерөөл" / "Ээждээ өргөх дуу"(шүлэг Ж.Ёлхорсүрэн)

Хүүхдийн дуу:

• "Хүсэх алсын гялбаа" (шүлэг Даг.Жамъян) найрал дуу

• "Барилгачин болно доо" (шүлэг Ж.Санжмятав)
• "Ногоон зүлэг" (шүлэг Д.Даржаа)

Эмхэтгэн хэвлүүлсэн

• "Мөнгөн хонхны дуу" 1-р дэвтэр 1975 он
• "Мөнгөн хонхны дуу" 2-р дэвтэр 1981 он

Байгуулсан хамтлаг чуулга

• "Хан Хэнтийн цуурай" (Хэнтий аймгийн Биндэр сум)
• "Багачуудын алдар" (Хэнтий аймгийн Өмнөдэлгэр сум)
• "Бага нас" (Нийслэлийн 41-р сургууль)
• "Мөнгөн бүрээ" (Нийслэлийн 7-р сургууль)
• "Туулын долгио" (Нийслэлийн 10-р сургууль)

Баримт

Түүний анхны шавь нарын нэг бол МУГБ Л.Галмандах юм.