Ямашита Харүхиро

Ямашита Харүхиро (山下 治広, Yamashita Haruhiro, 1938 оны 11 сарын 11-нд Эхимэ аймгийн Үважима хотод төрсөн) нь 1964 оны зуны олимпын хошой алтан медальт, Японы гимнастикч юм. Хожим гэрлэхдээ овгоо Мацүда (松田) болгон сольжээ.

Ямашита Харүхиро Спортын гимнастик Төлөөлдөг улс: Япон Хувийн мэдээлэл Бүтэн нэр Ямашита Харүхиро Төрсөн огноо 1938 оны 11 сарын 11 (1938-11-11) Төрсөн газар Эхимэ, Үважима

Медалиуд Зуны олимп Алт Токио 1964 Баг Алт Токио 1964 Харайлт Дэлхийн АШТ Алт Прага 1962 Баг Мөнгө Прага 1962 Харайлт Алт Дортмунд 1966 Баг Алт Дортмунд 1966 Харайлт

Үважима Зүүн ахлах сургууль, Японы Биеийн Тамирын Их Сургуулийг дүүргэсэн.

Зодог тайлаад Биеийн Тамирын Их Сургуульдаа багшилж байснаас гадна 1970-д онд Индиана мужийн Их Сургуульд биоритмийн талаар судалгаа хийж байсан.

1976 оны Монреалийн олимпод Японы эмэгтэйчүүдийн шигшээ багийн дасгалжуулагч, Японы багийн ерөнхий албаны ажилтны хувиар оролцжээ. Мөн 1990 оны Азийн наадамд Японы шигшээ багийн ахлах дасгалжуулагчаар ажилласан.

Японы Гимнастикийн Холбооны гүйцэтгэх захирал зэрэг албыг хашиж байсан тэрээр 2000 онд Японы гимнастикчдаас Такэмото Масао, Оно Такаши, Эндо Юкио нарын дараа Олон Улсын Гимнастикийн Алдрын Танхимд багтсан 4 дэх тамирчин болсон билээ.

Гадны холбоос

• Танилцуулга, databaseolympics.com