Шинкансэн
Шинкансэн (Япон: 新幹線 шинэ замын шугам, суман галт тэрэг хэмээх) бол Японы өндөр хурдны цахилгаан галт тэрэг юм.
1964 онд анх ашиглалтад орсон, дэлхийн анхны өндөр хурдны төмөр зам бөгөөд, одоогоор 2764.6 км урт зам ашиглаж байна.
Дунджаар 240–320 км/цаг хурдтай явдаг. Техникийн шаардлага дахь хамгийн өндөр хурд нь 500 км/цаг.
1996 оны туршилтаар үйлчилгээнд 443 км/цаг, үйлчилгээний бусаар 2015 онд 603 км/цаг (дэлхийн дээд амжилт) хурдалж байсан.
50-аад жилийн түүхэндээ 10 тэрбум зорчигч тээвэрлэсэн ба нэг ч амь эрсэдсэн осол гараагүй байна.
Анхны «Тоокайдо Шинкансэн» чиглэл нь Токио-Осакаг холбож байсан бол өдгөө Кюүшю арлаас Хоккайдогийн Хакодатэ хүртэл 7 үндсэн чиглэлтэй болсон. Цаашид нэмж барьж байгаа бөгөөд Саппоро хүртэлх өргөтгөл нь 2031 онд ашиглалтад орно.
Үйлчилгээг Японы төмөр зам групп (JR Group)-ийн доторх таван компани хэсэгчлэн хариуцаж ажиллуулдаг.
Шинкансэн 2007 онд 353 сая ам.долларын орлоготой байснаар дэлхийд тэргүүлж байсан ба Хятадад тэргүүн байрыг 2011 онд алдсан.
буй чиглэл (тасархай зураас)
Чиглэл
засварлахДараах үндсэн долоон чиглэлтэй:
| Чиглэл | Эхлэх цэг | Төгсөх цэг | Урт, км | Эрхлэгч компани | Ашиглаж эхэлсэн он | Жилийн зорчигч[1] |
|---|---|---|---|---|---|---|
| Тоокайдо Шинкансэн | Токио | Осака | 515.4 | JR Central | 1964 | 143,015,000 |
| Санъёо Шинкансэн | Осака | Хаката | 553.7 | JR West | 1972–1975 | 64,355,000 |
| Тоохокү Шинкансэн | Токио | Аомори | 674.9 | JR East | 1982–2010 | 76,177,000 |
| Жооэцү Шинкансэн | Сайтама | Нийгата | 269.5 | 1982 | 34,831,000 | |
| Хокүрикү Шинкансэн | Такасаки | Каназава | 345.4 | JR East, JR West | 1997–2015 | 9,420,000 |
| Кюүшү Шинкансэн | Хаката | Кагошима | 256.8 | JR Kyushu | 2004–2011 | 12,143,000 |
| Хоккайдо Шинкансэн | Аомори | Хакодатэ | 148.9 | JR Hokkaido | 2016 |
Үйлчилгээ
засварлахШинкансэн нь зөвхөн зорчигч тээврийн үйлчилгээтэй.
- Нозоми (маш шуурхай) - зөвхөн том хотуудад зогсдог, явах хурд 300 км/ц хурдтай.
- Хикари (шуурхай) - хурдан, явах хурд 285-300 км/ц хурдтай.
- Кодама (орон нутгийн) - бүх өртөөнд зогсдог, явах хурд 285 км/ц хурдтай.
Галт тэрэг
засварлахНэг галт тэрэгт 16 вагон залгадаг. Нэг вагоны урт 25 метр тул галт тэрэг хамгийн уртдаа 400 метр байна. Маглев төрлийн галт тэрэг явдаг.
Зарим галт тэргийн тухайд:
- 0 сери: 1964 онд ашиглалтад орсон. Явах дээд хурд 220 км/цаг. 2008 онд ашиглалтаас хассан.
- N700 сери: 2007 онд ашиглалтад орсон. Явах дээд хурд 300 км/цаг.
- N700A сери: Хурд авах, хурд хасахыг сайжруулсан, төмөр замын чимээг багсгасан загвар.
- N700S сери: Хамгийн сүүлийн шинэчилсэн загвар. 2020 оны 7-р сараас ашиглалтад орсон.
- L0 сери: Үйлчилгээнд явдаггүй. 2015 онд энэхүү галт тэрэг 7 вагонтойгоор 603 км/цаг хурдалсан нь дэлхийн дээд амжилт болжээ.
-
0 сери -
100 сери -
300 сери -
500 сери -
N700 сери -
N700S сери -
L0 сери
.jpg)
Цахим холбоос
засварлах
Commons: Шинкансэн – Викимедиа дуу дүрсний санЛавлах бичиг
засварлах- ↑ "鉄道輸送統計調査（平成23年度、国土交通省） Rail Transport Statistics (2011, Ministry of Land, Infrastructure and Transport) (Japanese)". Mlit.go.jp. Татаж авсан: 26 March 2013.