Шарын Чимэдцэеэ
Шарын Чимэдцэеэ (Сүхбаатар аймгийн Уулбаян суманд хөхөө сард “Хоолой” гэдэг газар 1958 онд төрсөн)- МУАЖ, уртын дуучин.
| Шарын Чимэдцэеэ | |
| Төрсөн он | 1956 он |
|---|---|
| Төрсөн газар | Монгол улсын Сүхбаатар аймгийн Уулбаян сум |
| Яс үндэс | Монгол үндэстэн |
| Улсын иргэн |  Монгол (БНМАУ → Монгол) |
| Ажил үйл | дуучин |
| Урсгал | Уртын болон бусад |
| Алдар цол | |
| Төр нийгмийн шан МУГЖ МУАЖ | |
Намтар засварлах
- 15 настайдаа дунд сургулийнхаа урлагийн үзлэгээр сумынхаа клубт анх удаа “Жаахан шарга”-ыг дуулж байсан гэдэг.
- 1974 онд Улаанбаатар хотод ирж алдарт дуучин Н.Норовбанзад, Дорждагва нарын шавь болжээ.
- 1986 онд Соёлын тэргүүний ажилтан, 1991 онд Монгол Улсын гавьяат жүжигчин болж
- 1993 онд Улаанбаатар хотод ирж “Морин хуурын чуулга” анх байгуулагдахад гоцлол дуучнаар орж,
- 2003 оноос Хөгжим бүжгийн коллежид багшилжээ.
- 1995 онд Соёлын ордон, ХДТ-т дуучнаар ажилласан.
- 2003 оноос ХБК-ийн багшаар тус тус ажиллаж байна. Бие даасан уран бүтээл 40 гаруйг туурвиж тоглосон. Дуучин болсон хугацаанд 6-н удаа хандивын тоглолт хийсэн.
Япон, Солонгос, Хятад, Энэтхэг, Орос, Герман, Англи, Франц, Швейцарь, Америк, Польш, Канад, Голланд, Чех зэрэг 40 гаруй орноор явж Японы Suntory hall alcoross, АНУ Сarnegle hall, Нью-Иорк хотын НҮБ-ийн танхим, Германы Берлин филармони, Францын Юнеско зэрэг дэлхийн алдартай тайзнуудад дуулсан.
Чингис хааны дэлхийн Академийн жинхэнэ гишүүн, академич.
Ш.Чимэдцэеэ зөвхөн уран бүтээлч бус, дарьгангын өв соёлын тээгч, түүнийгээ судалгааны эргэлтэд оруулж “Дарьганга дууны хэл соёлын судалгаа” нэг сэдэвт бүтээлээрээ докторын зэрэг хамгаалсны зэрэгцээ Монгол Улсаа уртын дууны ноттой болгосон эрдэмтэн, судлаач. Өдгөө түүний зохиосон нотоор ар, өвөр Монголын уртын дуучид уртын дуугаа сурч байна. Дарьганга судлалтай холбоотой өөр нэг зүйлийг онцолбоос дэлхий дээр 300 гаруй үндэстний хэл устсан атал 2010 оны хүн амын тооллогоор дарьганга хүний тоо цөөрсөн нь хэл устах аюул хаалга тогшиж буй дохио болохыг сэрэмжлүүлж тэрбээр “Дарьганга хэл аялгууны толь бичиг” гаргажээ.
Уран бүтээлүүд засварлах
- Жаахан шарга, Дарьганга, үзэмчин, урт богино дууны түүвэр,
- “Дууны шуранхайд шүлэг төрнө” яруу найргийн түүвэр,
- “Алтан хөхийн оргил”,
- “Алтан овоо”,
- “Ижий буурал гол”,
- “Тэнгэрийн тэртээх аялгуу”,
- "Тэнгэр ээж минь өршөө",
- “Ижий оролсон нутаг”,
- “Бүүвэйн аялгуу”,
- “Хурдан морины марзай гийнгоо” зэрэг СD-нүүдийг гаргасан.