Таллины Техникийн Их Сургууль

Таллины Техникийн Их Сургууль (ТТИС) (эст. Tallinna Tehnikaülikool (TalTech) - Эстони Улсын инженер-техникийн чиглэлийн ууган их сургууль. Машин бүтээх, бизнес эрхлэх болон төрийн захиргааны чиглэлийн сургалтаар тэргүүлдэг боловсролын байгууллага юм. Тус Их сургууль 1818 онд байгуулагдсан бөгөөд Эстони Улсын нийслэл Таллинд байрладаг байна.

Таллины Техникийн их сургууль-2021 он

Балтийн орнууд болон Европын холбоонд шинээр элссэн орнуудын инженерийн чиглэлээр тэргүүлэгч Их сургуулиудын нэг юм. Тус их сургуульд 14 мянга гаруй оюутан суралцаж байгаагаас дэлхийн 60 гаруй орны 600 гаруй гадаад оюутан суралцдаг байна. Факультет, судалгааны төвүүдэд 2000 орчим хүн ажилладаг бөгөөд тэдгээрийн 154 нь профессор юм. Сургалтыг эстони, англи хэл дээр явуулдаг. Таллины Техникийн Их Сургууль нь нэг кампуст нэгдсэн 15 эрдэм шинжилгээний байртай ажээ.

Эстонийн Техникийн Нийгэмлэг 1918 оны 9 дүгээр сарын 17-нд эстони хэл дээрх сургалттай тус сургуулийг үүсгэн байгуулсан байна. Үүнд: механик инженерчлэл, цахилгааны инженерчлэл, усан онгоцны үйлдвэрлэл, гидравлик инженерчлэл, барилга, архитектур зэрэг хичээлүүдийг заадаг байжээ. 1919 оны намраас эхлэн тус сургуулийг "Таллины техникум" гэж нэрлэх болсон. Агромелиорация, маркшейдер, техникийн химийн тэнхимүүд сүүлд нэмэгдэв. Мөн далайн инженер, механикийн тэнхим байгуулагдсан. Техникийн техникумд усан онгоцны механикийн сургууль мөн ажилладаг байв.

1934 онд Тартугийн их сургуульд инженерүүдийг бэлтгэж эхэлсэн бөгөөд 1936 онд техникийн факультетийг Таллин хотын Техникийн сургуульд шилжүүлж, 1936 оны 9-р сарын 15-нд Таллин хотын Техникийн дээд сургууль гэж нэрлэгдэх болсон. Тус хүрээлэнд барилга, химийн, механик, механик технологийн тэнхим гэсэн гурван тэнхим байгуулагдсан ажээ.

1938 оны 1 дүгээр сарын 1-ээс эхлэн тус Их сургууль нь "Таллины Техникийн Их Сургууль" нэртэй болсон бөгөөд үүнд барилга-механик, уул уурхай-химийн гэсэн хоёр факультет байгуулагдсан түүхтэй. Улмаар тус сургуульд Шинжлэх ухааны зэрэг олгож эхэлсэн байна. 1939 онд цахилгааны инженерийн мэргэжлээр элсэлт авч эхэлжээ. 1940 онд Эдийн засгийн факультет нэмж байгуулагдсан. 1958 онд Эрчим хүчний факультет, 1965 онд Автоматжуулалтын факультет тус тус нээгдэв.

1991 онд боловсролын хичээлийн тогтолцоонд шилжих үйл явц эхэлж, 1992 онд их сургуулийн боловсролын бүтцийг шинэчилсэн. 1995 оноос бакалаврын зэрэг бэлтгэж эхэлсэн. 1997 оноос магистрантурт элсэлт авч эхэлсэн. 2002 оны 9-р сараас сургалтын хөтөлбөрийн шинэ системд (бакалаврын сургалт 3 жил, магистрын сургалт 2 жил) шилжсэний дараа Европын их дээд сургуулиудын сургалтын үйл явцтай сургалтын үйл явцыг нийцүүлсэн. Бакалавр болон магистрын түвшинд олон улсын түвшний англи хэлний боловсрол олгох ажлыг эхлүүлсэн. Бүх хөтөлбөрүүд магадлан итгэмжлэгдсэн байна.

2014 оны 8 дугаар сарын 1-нээс Таллины Техникийн Их Сургуулийн бүрэлдэхүүнд Эстонийн далайн Академи нэгдэж орсон.

2015 оноос орос хэл дээрх сургалтыг зогсоосон.

Их сургуулийн ректорууд засварлах

  • 1936—1939: Пауль Когерман
  • 1939—1941: Юрий Юрьевич Нуут
  • 1944—1948: Альбрехт Виллемович Альтма
  • 1948—1951: Рихард Томасович Махль
  • 1951—1959: Людвиг Шмидт
  • 1960—1976: Агу Янович Аарна
  • 1976—1991: Борис Георгиевич Тамм
  • 1991—1999: Олав Аарна
  • 2000—2005: Андрес Кеевалик
  • 2005—2010: Пееп Сюржэ
  • 2010—2015: Андрес Кеевалик
  • 2015—2020: Яак Аавиксоо
  • 2020—оос: Тийт Ланд

Цахим холбоос засварлах

  Commons: Таллины Техникийн Их Сургууль – Викимедиа зураг, бичлэг, дууны сан
  • Их сургуулийн албан ёсны хаяг: Tallinna Tehnikaülikool, Ehitajate tee 5, 19086 Tallinn