Стефан Хольм
Стефан Кристиан Хольм (шве. Stefan Christian Holm, 1976 оны 5 сарын 25-нд төрсөн) нь олимпын аварга, Шведийн өндрийн харайлтын тамирчин юм.
| ||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||
Намтар
засварлахСтефан Хольм Форсхага хотод Жонни, Элизабет нарын гэр бүлд төржээ. Тэр өөрөөс нь 3 эгч Вероника хэмээх эгчтэй. Хольм 2005 онд Анна хэмээх бүсгүйтэй гэрлэсэн бөгөөд тэд 2004 онд төрсөн Мэльвин гэдэг хүүтэй.
2000 оны Сиднейн олимпод Хольм 2.32 м дээгүүр харайж, дөрөвдүгээр байр эзэлснээр спортын ертөнцөд түүний нэрийг мэдэх болжээ.
Түүнийг аав нь дасгалжуулдаг байсан бөгөөд тэрээр багадаа орон нутгийнхаа багт хаалгачаар тоглодог аавыгаа даган хөлбөмбөг тоглодог байжээ. Стефан 1991 оноос өндрийн харайлтаар дагнан хичээллэх болсон байна.
8 настайдаа, Шведийн өндрийн харайлтын домог болсон тамирчин, дэлхийн дээд амжилтын эзэн асан Патрик Сёбергийн харайлтыг үзээд өндрийн харайлтаар хичээллэх хүсэл төрсөн гэдэг[1].
Хольм 6 янзын техникээр 2 метрээс дээш өндөрт харайж чаддаг байв. Өндрийн харайгчид дундаа харьцангуй намхан буюу 1.81 метр өндөртэй тэрээр биеийн өндрөөсөө 59 см өндөр дээгүүр харайж байсан нь албан бусаар дэлхийн дээд амжилт гэж тооцогддог. Сонирхуулахад тэрээр 1993 онд арван төрөлтөөр тэмцээнд оролцож, өндрийн харайлтаар (2.04 м) тулгууртай харайлтаас (2.00 м) илүү амжилт үзүүлж байжээ.
Хольм 2008 оны Бээжингийн олимпод 2.32 м дээгүүр харайж, 4-р байр эзэлсэн байна.
2008 оны 9 сарын 13-нд тэрээр их спортоос зодог тайлж буйгаа зарласан бөгөөд тамирчны замналаа Штуттгарт хотноо зохиогдсон Гран-Пригийн шигшээ уралдаанаас мөнгөн медаль хүртсэнээр өндөрлөжээ[1].
Хувийн дээд амжилт
засварлах- 2.37 метр (задгай талбай)
- 2.40 метр (танхим)
Эшлэл
засварлахЦахим холбоос
засварлах- Албан ёсны вэбсайт (англи, швед хэлээр)
- ОУХАХ-ны цахим хуудсан дахь тамирчны танилцуулга: Стефан Хольм