Сономын Лувсан (1912—1994) – монголын улс төрийн зүтгэлтэн, дипломатч.

1972 оны 7 дугаар сарын 29-нөөс 1974 оны 6 дугаар сарын 11 хүртэл БНМАУ-ын АИХ-ын Тэргүүлэгчдийн даргын үүрэг гүйцэтгэсэн. Дэлхийн хоёрдугаар дайны үед С.Лувсан нь Ерөнхий сайд Х.Чойбалсангийн орлогч байсан.

1949 оны 2 дугаар сарын 21-нд Сайд нарын Зөвлөлийн орлогч дарга бөгөөд Худалдааны сайдаар томилогдсон.

1957-1959 онд БНХАУ-д 3 дахь Элчин сайдаар томилогдон ажилсан.

1959 оны 6 дугаар сарын 17-ноос 1960 оны зун болтол эргээд Сайд нарын Зөвлөлийн орлогч даргын албыг хашиж байсан.

1960-1964 онуудад Монгол Улсаа төлөөлж ЗХУ-д Элчин сайдаар томилогдон ажилсан.

1963 оноос МАХН-ын Товчооны гишүүн болж улс төрийн нөлөө бүхий хүн болсон. АИХ-ын Тэргүүлэгчдийн дарга Ж.Самбууг 1972 онд нас барсаны дараа Цагаанламын Дүгэрсүрэнгээс /нэг сар хашсан/ БНМАУ-ын АИХ-ын Тэргүүлэгчдийн даргын ажлыг авч үүрэг гүйцэтгэж байгаад 1974 онд ажлаа өгсөн.

Гэр бүлЗасварлах

С.Лувсангийн хүү Лувсангийн Эрдэнэчулуун 2000-2004 онд Монгол Улсын Гадаад харилцааны сайдаар ажилсан.