Павел Воробьев

Павел Воробьёв (орос. Павел Иванович Воробьёв, 1892 оны 1-р сарын 3-нд төрсөн—1937 оны 11-р сарын 24-нд Ленинградад будуудан хороосон) —зөвлөлтийн дорно дахин судлалын эрдэмтэн, музей судлаач. 1926—1930 онуудад Оросын музейн захирал, дараа нь Улсын түүхийн музей, 1934 оноос Угсаатан зүйн музейн захирал байсан. Мөн Монгол Улсын Засгийн газрын дэргэдэх Шинжлэх ухааны хорооны зөвлөхөөр 1936-1937 онд ажилласан байна.

Намтар

Тэрээр 1892 оны 1-р сарын 3-нд Санкт-Петербург хотод тариачны гэр бүлд төрсөн. 1910 онд дунд сургуулиа медальтай төгсөж, Петербургийн Политехникийн дээд сургуулийн металлургийн ангид элсэн орсон. Нэгдүгээр курсын дараа би Их сургуульд шилжсэн. 1915 онд Петроградын их сургуулийн Дорно дахины хэлний факультетад монгол, хятад хэл сурч төгссөн.

1917 оны 3-р сард Большевик намд элссэн.

1921 онд - Амьд дорно дахины хэлний төв хүрээлэнгийн захиргааны хэлтсийн дарга, 1922 оны 5-р сараас ректорын туслах, 1923 оноос Амьд дорно дахины хэлний төв хүрээлэнгийн ректор Владислав Котвичийг явсны дараа ректор болсон.

Павел Воровьёв 1924-1930 онд Ленинградын Улсын Их Сургуульд багшилж, 1924 оноос Баруун, Дорнодын утга зохиол, хэлний харьцуулсан түүхийн судалгааны хүрээлэнгийн ажилтан байв. 1932 онд Улсын түүхийн музейн захиралаар томилогдож Москва руу нүүжээ.

1934 оноос дахин Ленинград хотод ЗХУ-ын ард түмний угсаатны зүйн музейн захирал, ЗХУ-ын ШУА-ийн Дорно дахины судлалын хүрээлэнгийн орлогч захирал, Ленинградын Улсын их сургуулийн профессороор ажиллаж байв.

1936 онд Монгол Улсын Засгийн газрын дэргэдэх Шинжлэх ухааны хорооны зөвлөхийн албан тушаалд уригдан Улаанбаатарт иржээ. 1937 оны зун Монгол Улсад Их сургууль нээх асуудлыг хэлэлцэнэ хэмээн Улаанбаатараас дуудсан байна. Улмаар 1937 оны 8-р сарын 11-нд Зөвлөлтийн дотоод яаманд баривчлагдсан байна. Зөвлөлт Оросын Эрүүгийн хуулийн 56-6, 11-р зүйл (Японы тагнуулч) хэргээр 1937 оны 11-р сарын 19-нд НКВД-ын комисс, ЗСБНХУ-ын Прокурор түүнд цаазаар авах ял оноов. 1937 оны 11-р сарын 24-нд Ленинградад буудан хороожээ. 1957 онд цагаатгасан.