Нямын Жагварал

Нямын Жагварал (1919-1987) - Монголын улс төр, төрийн зүтгэлтэн, эдийн засагч, академич, МАХН-ын гишүүн.

Юмжагийн Цэдэнбалын улс төрийн болон эрүүл мэндийн шалтгаанаар албадан огцруулсаны дараа 1984 оны 8-р сарын 23-наас 1984 оны 12-р сарын 12-ны өдөр хүртэл БНМАУ-ын АИХ-ын Тэргүүлэгчдийн даргын үүрэг гүйцэтгэсэн.

Н.Жагварал эдийн засагч, эдийн засгийн ухааны доктор, БНМАУ-ын ШУА-ийн академич.

Тэрээр БНМАУ-ын хөдөө аж ахуйн социалист өөрчлөлтийн асуудлын талаар хэд хэдэн бүтээлийн зохиол бичжээ.

НамтарЗасварлах

1934 онд Дорноговь аймгийн захиргаанд хэлтсийн дарга хийж байсан.

1938 онд Москвад И.В.Сталин нэрэмжит Дорно дахины ажилчдын коммунист их сургуулийг төгсөж, 1938-1939 онд дунд сургуульд дараа нь 1939-1940 онд БНМАУ-ын Намын боловсон хүчний дээд сургуульд багшилжээ.

1940-1945 онд Москвагийн Дорно дахины судлалын дээд сургуулийн аспирант байв. Тэрээр эдийн засгийн шинжлэх ухааны зэрэг хамгаалсан Монгол Улсын анхны иргэн болов.

1945-1946 онд БНМАУ-ын Улсын төлөвлөгөөний хорооны орлогч дарга, даргаар ажиллаж байсан.

1946-1953 онд Шинжлэх ухааны хорооны орлогч дарга, 1953-1957 онд Шинжлэх ухааны хорооны даргаар ажиллаж байжээ.

1957-1961 онд Хөдөө аж ахуйн сайдаар ажиллаж байсан. 1957 оноос - БНМАУ-ын Сайд нарын зөвлөлийн орлогч дарга. МАХН-ын Төв хорооны гишүүн, нарийн бичгийн дарга.

1987 онд Улаанбаатар хотод нас барсан.


Н.Жагварал их эрдэмтэн Бямбын Ринчэнгийн охинтой гэрэлсэн.

Хүү Ж.Ганибал нь Гадаад яаманд ажиллаж Элчин сайд болсон.