Марина Черкасова
Марина Евгеньевна Черкасова (Орос: Марина Евгеньевна Черкасова; 1964 оны 11 сарын 17-нд төрсөн) нь Зөвлөлт Холбоот Улсын хуучин уран гулгагч юм. Тэрээр 14 настайдаа Сергей Шахрайтай хослон гулгаж, 14-тэйдээ 1979 оны Европын аварга цолыг хүртэж байв. Мөн 15-тайдаа 1980 оны өвлийн олимпийн мөнгө, 1980 оны Дэлхийн АШТ-ий алтан медаль хүртжээ.
| |||||||||||||||||||||||||||||||||||||
| |||||||||||||||||||||||||||||||||||||
Тамирчны замнал засварлах
Черкасова, Шахрай нар Москвад Станислав Жукийн удирдлага дор бэлтгэл сургуулилтаа хийдэг байв. Тэдний гол өрсөлдөгчид нь нэг нутгийн Ирина Роднина & Александр Зайцев, Ирина Воробьева & Игорь Лисовский, Марина Пестова & Станислав Леонович, Вероника Першина & Марат Акбаров нар байлаа.
Черкасова 12, Шахрай 18 настайгаасаа хослон гулгах болсон бөгөөд Черкасова дөнгөж 138 см өндөртэй байсан тул тэдний өндөр анхандаа 35 см-ийн зөрүүтэй байсан аж[1].
Тэд 1977 онд анхныхаа Европын АШТ-д оролцож, хүрэл медаль зүүхэд Черкасова дөнгөж 12 настай байлаа. Тэдний өндрийн зөрүү нь твист, лифтийн элементүүдийг гүйцэтгэхэд дэвшил авчирсан гэж хэлж болно; тэд 1978 онд түүхэнд анх удаа дөрвөлсөн сплит твист эргэлтийг амжилттай гүйцэтгэжээ. Гэвч хожим шүүлтийн стандартад өөрчлөлт орж, хосуудын биеийн ойролцоо байдал илүү үнэлэгдэх болсон тул Черкасова болон түүний хосд сул тал болж эхлэв.
Гэлээ ч тэд 1979 онд Европын аварга цол хүртжээ. 1980 онд Черкасова 20 см-ээр өссөн[1]. Энэ нь тэдний техникийн үзүүлбэрт нөлөөлөх болсон хэдий ч Европын АШТ, Олимпоос мөнгө, Дэлхийн АШТ-аас алтан медаль зүүж чадсан билээ[2][1]. Черкасова Олимпод оролцохдоо дөнгөн 15-тай байсан юм.
Өсөхийн хэрээр жин нэмж, 45 кг жинтэй болсон хамтрагчаа өргөж, шидэх нь Шахрайд хүнд болж ирлээ[1]. 1981 онд Черкасова мөн л нэлээн өсч, Шахрай түүнийг сайн өргөж чадахаа больсноор Коннектикат муж улсын Хартфордод зохиогдсон Дэлхийн АШТ-д 4-р байр эзэлснээр медалийн тавцанд гарч чадсангүй.
Черкасова, Шахрай нар бэлтгэлээ үргэлжлүүлсээр 1982 оны улиралд улсынхаа АШТ-д оролцсон ч Ирина Воробьева & Игорь Лисовский, Марина Пестова & Станислав Леонович, Вероника Першина & Марат Акбаров нарын ард орж, шагналын тавцанд гарч чадаагүй. Ингэснээр тэд 1977 оноос хойш анх удаа Дэлхийн АШТ-ийг өнжиж, улмаар хослон гулгахаа больсон. Черкасова 1980, 1981 оны өсвөрийн Дэлхийн АШТ-ий медальтай Рашид Кадыркаевтай хэсэгхэн хугацаанд хамтран гулгасан ч Черкасовагийн өсөлт үргэлжилсээр байсан нь түүний замналыг өндөрлөхөд хүргэсэн юм. Кадыркаев Черкасоваг орхиод Игорь Москвины урилгыг хүлээн аван Елена Квитченкотой хослон гулгахаар Ленинградыг зорьсон аж.
Хожмын амьдрал засварлах
1982 онд Черкасова Москвагийн Мөсний Балетын бүрэлдэхүүнд орж, тэнд нөхөртэйгээ танилцжээ[1]. 1986 онд тэд хүү Виталийгаа, хэдэн жилийн дараа охин Дарьягаа төрүүлсэн байна[1]. Черкасова өдгөө Москвад хүүхдүүдэд уран гулгалтын хичээл заадаг[1].
Амжилт засварлах
(Шахрайтай хамт)
| Тэмцээн | 1976–77 | 1977–78 | 1978–79 | 1979–80 | 1980–81 | 1981–82 |
|---|---|---|---|---|---|---|
| Өвлийн олимп | 2 | |||||
| Дэлхийн АШТ | 4 | 4 | 2 | 1 | 4 | |
| Европын АШТ | 3 | 2 | 1 | 2 | 3 | |
| Зөвлөлтийн АШТ | 3 | 1 | 1 | 3 | 4 |
Эшлэл засварлах
- ↑ 1.0 1.1 1.2 1.3 1.4 1.5 1.6 Макарова, Екатерина. "Лед в сердце" (in орос). Ogoniok.com. Archived from the original on 2011-07-16. Retrieved 2012-05-25.
{{cite web}}: Unknown parameter|deadurl=ignored (|url-status=suggested) (help); Unknown parameter|trans_title=ignored (|trans-title=suggested) (help) - ↑ "Soviet Skaters Capture Pairs Championship". Нью-Йорк Таймс. Нью-Йорк. 1980 оны 3 сарын 13. p. D18.
{{cite news}}: Check date values in:|date=(help)