Лодойдамбын Галбадрах

Лодойдамбын Галбадрах (1959 оны 3 дугаар сарын 20-нд Улаанбаатар хотноо төрсөн) нь Монголын дипломат, Элчин сайд бөгөөд Төрийн соёрхолт, алдарт зохиолч Ч.Лодойдамба, Ардын жүжигчин Ч.Долгорсүрэн нарын хүү юм.

Боловсрол

1967-1977 онд Ерөнхий боловсролын 1-р дунд сургууль.

1977-1978 онд ЗХУ-ын Эрхүү хотын Их сургууль /орос хэлний бэлтгэл/.

1978-1983 онд ЗХУ-ын Москва хотын Олон Улсын харилцааны дээд сургууль.

1994 онд АНУ, Хавай муж дахь Олон улсын аюулгүй байдлын сургалтад хамрагдсан.

Ажил

1983-1986 онд Монгол Улсын Гадаад харилцааны яамны Ази, Номхон далайн хэлтсийн атташе.

1986-1990 онд Монгол Улсын Гадаад харилцааны яамны Олон улсын байгууллагын газрын 3-р нарийн бичгшийн дарга,

1990-1993 онд Монгол Улсын Гадаад харилцааны яамны Олон улсын байгууллагын газрын захирал,

1993-1997 онд Монгол Улсын анхны Ерөнхийлөгч П.Очирбатын гадаад бодлогын зөвлөх,

1997-2001 онд Монгол Улсаас БНСУ-д суугаа Элчин сайд,

2002-2005 онд Монголын Ардчилсан намын даргын зөвлөх, 2004 онд УИХ-д Говь-Алтай аймагт нэр дэвшиж байсан.

2006-2008 онд Монгол Улсын Барилга, хот байгуулалтын яамны Санхүү, хөрөнгө оруулалт, гадаад хамтын ажиллагааны газрын захирал,

2008-2012 онд Монгол Улсын Зам, тээвэр, хот байгуулалтын сайдын зөвлөх,

2013-2015 онд Монгол Улсын ГХЯ-ны Тусгай үүрэг гүйцэтгэгч Элчин сайд,

2015-2021 онд Монгол Улсаас БНАЛАУ-д суугаа Элчин сайд.

2021 оноос тэтгэвэртээ сууж 2023 оноос ГХЯ-ны Ахмадын хорооны дарга.

2018 онд Онц бөгөөд Бүрэн эрхт Элчин сайд дипломат цол хүртсэн.

Гэр бүл

Гэр бүл, гурван охинтой.

Англи, орос хэлтэй.