Лаос-Оросын харилцаа

ЗСБНХУ (ОХУ) -Лаосын Вант Улстай 1960 оны 10 дугаар сарын 7-нд дипломат харилцаа тогтоож харилцан ЭСЯ-аа нээж ажиллуулсан байна. Александр Абрамов (1960—1962), Сергей Афанасьев (1962—1964) нар ЗХУ-ын Элчин сайдаар Лаост ажиллаж байжээ. Тухайн 1950 оны сүүл үед хуучин ЗСБНХУ Лаос улсыг Францаас тусгаар тогтнох тэмцлийг дэмжиж байв. Зөвлөлт Холбоот Улс Лаосын талаарх Женевийн бага хуралд (1961 оны 5-р сарын 16-наас 1962 оны 7-р сарын 23) идэвхтэй оролцож, Лаосын төвийг сахисан байдлын тухай тунхаглал болон түүний протоколыг хэлэлцүүлж байсан байна. 1975 онд Лаос Ардчилсан Бүгд Найрамдах Улс тунхагласны дараа барууны орнууд Лаост үзүүлэх тусламжаа бүрэн зогсоосон. Ийм нөхцөлд ЗСБНХУ олон арван жилийн турш Лаост төрөл бүрийн туслалцаа дэмжлэг үзүүлсэн. Лаост эдийн засгийн 62 объект баригдаж, Лаос улсын 13 мянга гаруй мэргэжилтэн Зөвлөлт, Оросын боловсролын байгууллагуудад сурч эхэлсэн. 1991 он гэхэд ЗСБНХУ, Лаос улсын хооронд хоёр талын 53 гэрээ байгуулсан байжээ. 1991 оны 12 дугаар сарын 31-нд БНАЛАУ нь ОХУ-ыг ЗСБНХУ-ын хууль ёсны залгамжлагч гэж хүлээн зөвшөөрсөн байна.

Лаос-Оросын харилцаа
Map indicating locations of Лаос and Орос

Лаос

Орос

ЗХУ задран унаснаар хоёр орны харилцаа үндсэндээ хумигдаж, Лаос АСЕАН болон барууны орнууд руу анхаарлаа чиглүүлж эхлэв. Хоёр талын худалдаа буурч 2008 онд Орос-Лаосын худалдааны хэмжээ 6.85 сая доллар болжээ.

2000-аад онд хоёр талын харилцаа хэсэгчлэн сэргээгдэв. 2003 оны 7 дугаар сард Лаосын Ерөнхий сайд Б.Волачит ОХУ-д албан ёсны айлчлал хийж, ОХУ-ын их дээд сургуулиудад Лаосын оюутнуудын сургалт сэргээгдсэн.

Лаосын Ерөнхийлөгч Волачит, ОХУ-ын Ерөнхий сайд Д.Медведев нар.

2005 оноос хойш Орос улс эдгээр зорилгоор улсын тэтгэлэг олгож байна (2018/2019 оны хичээлийн жилд ОХУ-д 91 лаос оюутан Орост Засгийн газрын тэтгэлэгээр суралцаж байсан). Оросын хөрөнгө оруулалт бага байгаа - 2013 оны байдлаар ОХУ Лаосын эдийн засагт оруулсан хөрөнгө оруулалтын хэмжээгээр гадаадын хөрөнгө оруулагчдын дунд дөнгөж 25-р байранд жагсаж байсан. Оросоос Лаос руу жуулчдын урсгал бага байна - 2013 онд 4 мянган хүнээс хэтрээгүй байна.

2012 онд Лаост болсон АСЕМ-ын 9 дүгээр хуралд ОХУ-ын Ерөнхий сайд Д.Медведев оролцсон.

2017 онд хоёр талын худалдааны эргэлт 16 сая ам.доллар, 2018 онд 20 орчим ам.долларт хүрч өссөн байна.

2019 оны 12 дугаар сард «Бан Пэн» (Лаос) анхны цэргийн хээрийн «Ларос-2019» сургууль хийхэд хоёр талаас 500 цэргийн албан хаагч оролцсон байна.

2021 оны 1 сард ОХУ-ын БХ-ын сайд С.Шойгу Лаост айлчилсан. 2016,2017, 2018 онд Лаосын Батлан хамгаалахын сайд Т.Тяннялат ОХУ-д айлчилсан. 2017 оны 3 сард ОХУ-ын хуурай цэргийн командлагч О.Л.Салюков Лаост ажлын айлчлал хийсэн.

2021 оны 7 дугаар сарын 6-7-ны өдрүүдэд ОХУ-ын Гадаад хэргийн сайд С.Лавров БНАЛАУ-д айлчилж Ерөнхийлөгч Т.Сисулит, Ерөнхий сайд П.Випхаван, ГХ-ийн сайд С.Гоммасит нартай уулзсан байна.