Индүү нь бөс бараа болон ялангуяа хувцас, орны цагаан хэрэгсэл, ширээний бүтээлэг гэх мэтийг толийлгох буюу толигор болгоход зориулагдсан гэр ахуйн төхөөрөмж юм. Энэ үйлийг гүйцэтгэхийн тулд дулаан, даралт ашиглах ба хэрэв индүү нь уурын индүү бол мөн чийгийг ашиглана.

Уурын цахилгаан индүү
Хуучны яндантай, нүүрсээр халдаг индүү

Хийц засварлах

Индүү нь бариул ба индүүдэх материалтай харьцах индүүний ул хэмээн нэрлэгдэх халдаг хавтанцараар бүрдэнэ. Индүүний улыг хөнгөн цагаан эсвэл чанаржуулсан гангаар хийдэг.

Индүүний улыг халаахын тулд ихэнхдээ цахилгаан халаалтын элементийг хэрэглэнэ. Халууныг нь температур тохируулагч унтраагуураар тохируулна. Хэрвээ термостат нь ажиллахгүй болох тохиолдол гарвал индүүний уланд хэт халахаас хамгаалсан давхар температурын хамгаалалттай байдаг.

Хүссэн температурыг сонгогчоор эсвэл эргүүлэх товчлуураар тохируулах боломжтой. Тохируулган дээр температурын хуваарийг биш харин тухайн бөс барааг илэрхийлэх тэмдэглэгээ бүхий зургаар түүний шат дарааллыг тэмдэглэсэн байдаг. Индүүний улны температурын тохиргоо нь 105 °С хүртэл буюу синтетик материалд, 165 °С хүртэл буюу торго, ноосон материалд, эсвэл 220 °С хүртэл буюу даавуун материалд зориулан тохируулсан байна.[1][2]

Уурын индүү нь усны агуулах савтай. Индүүний улнаас гарах уур нь индүүдэх ажлыг хөнгөвчилдөг. Мөн түүнчлэн индүүнээс салангид уурын үүсгүүр бүхий тусдаа савтай хувилбар байх ба энэ тохиолдолд тухайн уурын үүсгүүрт бий болсон уурыг хоолойгоор дамжуулан индүүний ул руу дамжуулна.[3]

Үйлчилгээний (жишээ нь зочид буудал, томоохон ресторан) зориулалт бүхий олон тооны, овор хэмжээ ихтэй орны цагаан хэрэглэл, ширээний бүтээлэг зэргийг индүүдлэгийн машинаар индүүднэ.

Цахим холбоос засварлах

  Commons: Индүү – Викимедиа дуу дүрсний сан
 
Wiktionary
Wiktionary: Индүү – Энэ үгийг тайлбар толиос харна уу

Эх сурвалж засварлах

  1. Fa. Creative Dive/Martin Jost: Индүүний улны температурын тохиргоо
  2. Firma M15 Internet OHG: Angaben zu Symbolen und Bügeltemperaturen
  3. Artikel Dampfbügelstation, besucht am 23. Oktober 2012