Википедиа

Жорж Данциг

Жорж Бернард Данциг (Англи: George Bernard Dantzig, 1914 оны 11 сарын 8 - 2005 оны 5 сарын 13) нь Америкийн математикч. Тэрбээр аж үйлдвэрийн инженерчлэл, судалгаа шинжилгээний хөгжүүлэлт, компьютерын шинжлэх ухаан, эдийн засаг болон статистикийн салбаруудад хийсэн бүтээлүүдээрээ алдаршсан.

Данциг симплекс алгоритм, [1] шугаман программчлалын асуудлыг шийдвэрлэх алгоритм, шугаман программчлалаар хийсэн бусад ажлуудаараа алдартай. Статистикийн хувьд Данциг статистик онолын хоёр нээлттэй асуудлыг шийдсэн бөгөөд үүнийг Жерзи Нейман гэх багшийнхаа лекцэнд оройтож ирсний дараа гэрийн даалгавар гэж андуурч олон хоног ноцолдон арай хийн хариуг нь гаргасан байна. Угтаа бол тухайн бодлогыг багш нь зүгээр самбар дээр бичиж үзүүлж байсан гэдэг. [2]

Бага нас

засварлах

Орегон мужийн Портланд хотод төрсөн Жорж Бернард Данцигийг Ирландын зохиолч Жорж Бернард Шоугийн нэрээр нэрлэжээ. [3][4] Тэрбээр еврей эцэг эхээс төрсөн; түүний аав Тобиас Данциг нь математикч, хэл шинжлэлийн мэргэжилтэй, ээж Анжа Данциг (гэрлэхээс өмнөх овог нь Оуриссон) нь франц-еврей гаралтай хэл шинжлэлийн мэргэжилтэн байжээ. Данцигийн эцэг эх Парисын Их Сургуульд сурч байхдаа танилцсан бөгөөд Тобиас Анри Пуанкарегийн удирдлага дор математикийн чиглэлээр суралцаж, түүний нэрээр Данцигийн ахыг нэрлэжээ. [4] Данцигууд АНУ руу цагаачилж, Орегоны Портланд хотод суурьшжээ.

1920-иод оны эхээр Данцигийн гэр бүл Балтимороос Вашингтон руу нүүжээ. Түүний ээж Конгрессын номын санд хэл шинжлэлийн мэргэжилтэн, аав нь Коллеж Парк дахь Мэриландын их сургуулийн математикийн багш болжээ.

Боловсрол

засварлах

Данциг Пауэллийн ахлах сургууль, Хотын ахлах сургуульд сурч байв; Түүний найзуудын нэг бол математикч байсан Абрахам Зайденберг байв.[4] Ахлах сургуульд ороход тэрбээр геометрийг хэдийнэ сонирхож байсан бөгөөд энэ сонирхлыг аав нь улам бүр хөгжүүлж, түүнийг нарийн төвөгтэй асуудлууд, ялангуяа проекцын геометрээр сорьжээ. [2] Тэрбээр бага насандаа тийм ч онц сурлагатан буюу гоц чадвар нь гарч байгаагүй бөгөөд бусад сурагчдын л адил сурагч байсан бөгөөд хамгийн дуртай хичээл нь геометр математик байлаа. Угтаа бол аав ээж хоёр нь түүнд байнга даалгавар өгч хийлгэдэг байсан тул сургуулийн даалгавар түүнд гарын үзүүрээр л хийх ажил байсан байна. [4]

1939 онд буруу ойлгож гэрийн даалгавраа хийсэн нь гайхалтай үр дүнд хүргэв. Хичээл эхлэхийн өмнөхөн профессор Нейман самбар дээр хоёр бодлого бичжээ. Данциг тухайн лекцэнд оройтож ирээд тэднийг гэрийн даалгавар гэж ойлгон бичиж авав. Гэртээ очоод бусад бодлогын л адил бодох гэсэн боловч энэ удаагийнх илүү хэцүү байсан тул намайг орохоос өмнө энэ бодлогыг бодох аргыг заасан л байж таараа гэж бодон олон хоног оролдсоны эцэст дуусгав. Данцигийн хэлснээр тэд "ердийнхөөс арай хэцүү байсан юм шиг санагдсан" боловч хэдхэн хоногийн дараа тэр хоёуланг нь дуусгаж шийдлүүдийг хүлээлгэн өгсөн гэх.[4][5] Зургаан долоо хоногийн дараа сэтгэл нь догдолсон Нейман түүнд бодсон "гэрийн даалгавар" нь статистикийн шийдэгдээгүй хоёр асуудал байсан гэж түүнд хэлэв.[2] [4] Ингээд математикийн сэтгүүлд нийтлүүлэх хэрэгтэй гэж Данцигийн бодлогын нэгийг бэлтгэн үзүүлж зөвшөөрөл авав. Эцэст нь энэ нэр алдар түүнд хүрсэн байна.[6] Хожим Данцигийн нэрийг хасаж, түүний амьдралаас сэдэвлэсэн Good Will Hunting хэмээх кино дэлгэцнээ гарсан билээ. Тэр "Хэрвээ би тухайн бодлогыг бодох боломжгүй гэж сонссон байсан бол бодох тухай оролдох ч үгүй" хэмээн хэлсэн байдаг. [5]

Шугаман программчлал

засварлах

Жорж Данциг Дэлхийн 2-р дайны үед АНУ-ын Агаарын цэргийн хүчинд алба хааж байхдаа шугаман программчлалыг судалж байсан бөгөөд өдгөө Данцигийг тус шинжлэх ухаанд чухал үүрэг гүйцэтгэсэн эрдэмтэн гэж үздэг байна.

Данциг 1936 онд Анн С.Шмунертэй гэрлэх жилдээ Мэриландын Их Сургуульд математик, физикийн чиглэлээр бакалаврын зэрэг хамгаалсан.[7] [8] Тэрбээр 2005 оны 5-р сарын 13-нд 90 насандаа чихрийн шижин, зүрх судасны өвчний улмаас Калифорнийн Стэнфорд дахь гэртээ нас баржээ.[2]

Нийтлэлүүд

засварлах

Жорж Данцигийн бичсэн номууд:

  • 1953 он. Шугаман программчлалын талаарх тэмдэглэл . RAND корпораци.
  • 1956 он. Шугаман тэгш бус байдал ба холбогдох системүүд . Бусадтай хамт. HW Kuhn, AW Tucker нар хянасан. Принстоны их сургуулийн хэвлэл.
  • 1963 он. Шугаман программчлал ба өргөтгөлүүд . Принстоны их сургуулийн хэвлэл ба RAND корпораци. RAND -аас pdf
  • 1966 он. Тасралтгүй функцийн хамгийн бага олонлогийн тасралтгүй байдлын талаар . Жон Х.Фолкман, Норман Шапиро нартай хамт.
  • 1968 он. Шийдвэр гаргах шинжлэх ухааны математик . Артур Ф.Вейноттын хамт Бага математикийн зуны семинар 5 -р өдөр : 1967 он : Стэнфордын их сургууль. Америкийн математикийн нийгэмлэг.
  • 1969 он. Дифференциал тэгшитгэл дэх лекцүүд . АК Азиз, ерөнхий редактор. Оролцогчид: Жорж Б.Данциг болон бусад.
  • 1970 он. Байгалийн хий дамжуулах системийн оновчлол . Бусадтай хамт.
  • 1973 он. Компакт хот ; хотын амьдрах орчны төлөвлөгөө . Томас Л.Сатитэй хамт.
  • 1974 он. Оновчлолын чиглэлээр хийсэн судалгаа . МЭӨ Eaves -ийн тусламжтайгаар засварласан. Америкийн математикийн холбоо.
  • 1985 он. Математик программчлал : Жорж Б.Данцигийн нэрэмжит эссэ . RW Cottle хянан засварлав. Математик програмчлалын нийгэмлэг.
  • 1997 он. Шугаман программчлал 1: Танилцуулга . GBD ба Mukund N. Thapa. Springer-Verlag.
  • 2003 он. Шугаман программчлал 2: Онол ба өргөтгөлүүд . GBD ба Mukund N. Thapa. Springer-Verlag.
  • 2003 он. Үндсэн Жорж Б.Данциг . Ричард В.Коттл засварласан. Стэнфордын бизнесийн номууд, Стэнфордын их сургуулийн хэвлэл, Стэнфорд, Калифорниа. [9]

Эшлэл

засварлах
  1. ↑ "George B. Dantzig". Profiles in Operations Research. International Series in Operations Research & Management Science. 2011. pp. 217–240. doi:10.1007/978-1-4419-6281-2_13. ISBN 978-1-4419-6280-5.
  2. ↑ 2.0 2.1 2.2 2.3 Joe Holley (2005). "Obituaries of George Dantzig". In: Washington Post, May 19, 2005; B06
  3. ↑ Richard W. Cottle, B. Curtis Eaves and Michael A. Saunders (2006). "Memorial Resolution: George Bernard Dantzig" (Memento 30. Наймдугаар сар 2006 цахим архивт). Stanford Report, June 7, 2006.
  4. ↑ 4.0 4.1 4.2 4.3 4.4 4.5 Albers, Donald J.; Alexanderson, Gerald L.; Reid, Constance, eds. (1990). "George B. Dantzig". More Mathematical People. Harcourt Brace Jovanovich. pp. 60–79. ISBN 978-0-15-158175-7.
  5. ↑ 5.0 5.1 "The Unsolvable Math Problem". Snopes. June 28, 2011.
  6. ↑ "On the non-existence of tests of "Student's" hypothesis having power functions independent of σ". 1940. {{cite journal}}: Cite journal requires |journal= (help)
  7. ↑ "George B. Dantzig, operations research professor, dies at 90". 25 May 2005. Archived from the original on 26 Гуравдугаар сар 2022. Татаж авсан: 24 Есдүгээр сар 2021.
  8. ↑ "George Dantzig".
  9. ↑ "Review: The Basic George B. Dantzig, by Richard W. Cottle". 2011: 123–129. {{cite journal}}: Cite journal requires |journal= (help)
"https://mn.wikipedia.org/w/index.php?title=Жорж_Данциг&oldid=779744"-с авсан