Жерри Янг

Жерри Янг (англи. Jerry Yang, хятад. уламж. 楊致遠, хялбар. 杨致远, пиньинь Yáng Zhìyuǎn, дуудлага. Ян Жиюань; 1968 оны 11-р сарын 6-нд Тайваний нийслэл Тайбэйд төрсөн) — цахим худалдаа эрхлэгч, Yahoo! Inc. компани байгуулагчдын нэг бөгөөд тус компаний ерөнхий захирал байсан.

Намтар

Тэрээр 1968 оны 11-р сарын 6-нд Тайбэй хотод төрсөн. Түүнийг хоёр настай байхад эцэг нь нас барж эх, дүү нарын хамт АНУ-ын Калифорни мужийн Сан Хосе руу нүүжээ. Эх нь англи хэлний багш байсан тул Америкт шилжсэнээс хойш гурван жилийн дараа тэр англиар чөлөөтэй ярьдаг болсон. Тэрээр ахлах сургуулиа төгсөөд Стэнфордын их сургуульд цахим инженерийн чиглэлээр бакалавр, дараа нь магистрын зэрэг хамгаалсан байна.

1994 онд тэрээр оюутан байхдаа Дэвид Фило-той хамтран «Жерри, Дейв нарын дэлхийн цахим сүлжээний хөтөч» (англи. Jerry and Dave’s Guide to the World Wide Web) хэмээх сайтуудын католог бүрдүүлсэн цахим хуудас байгуулжээ. Удалгүй тус цахим хуудсаа Yahoo! (анхаарлын тэмдэгтэй) гэх нэрээр сольсон юм. Энэ цахим хуудас маш хурдан алдартай хандалт ихтэй болж 1995 оны 4-р сард Янг, Фило нар "Yahoo! Inc" компаниа байгуулжээ.

Түүнийг 2007 оны 6-р сараас 2009 оны 1-р сарын хооронд "Yahoo! Inc" компаний захирал байх хугацаанд компаний хувьцааны үнийг өсгөхөөс болон Microsoft компаний худалдан авах саналаас татгалзан гэж хатуу шүүмжилж байсан байна. 2009 оны 1-р сард компаний захиралын албан тушаалаа орхиод Yahoo Chief («Yahoo! тэргүүн») гэх албан тушаал авч бодит байдал дээр компаний тэргүүн хэвээр үлдсэн байна. 2012 оны 1-р сарын 17-нд Жерри Янг компаний бүх албан тушаалаасаа өгчөрлөө гэж зарласан юм.

Түүнийг 2015 оны байдлаар Forbes сэтгүүлийн үзэж буйгаар $2 тэрбум хөрөнгтэй гэжээ.

Хувийн амьдрал

Гэргий — Акико Ямазаки гэж япон гаралтай Коста-Рикад өссөн эмэгтэй. Тэд 2 хүүхэдтэй ажээ.