Дэлхийн Эдийн Засгийн Форум
Дэлхийн Эдийн Засгийн Форум (Англи: World Economic Forum, WEF) нь Швейцарын Женев кантоны Колонид байрлах, ашгийн төлөө бус сан бөгөөд жил тутам Швейцарын зүүн Альпийн бүс нутаг болох Граубюнден дэх уулын амралтын газар Давост зохион байгуулдаг уулзалтаараа алдаршсан байгууллага юм.
 | |
| Байгуулагдсан | • 1971 - Европын Удирдлагын Форум • 1987 - Дэлхийн Эдийн Засгийн Форум |
|---|---|
| Төрөл | Ашгийн төлөө бус байгууллага |
| Хууль зүйн байдал | Сан |
| Төв байр | Швейцар, Женев, Колони |
| Үйлчилдэг бүс | Дэлхий даяар |
| Гүйцэтгэх захирал | Клаус Шваб |
| Цахим сүлжээ | weforum.org |
Уг уулзалтад нь том компанийн удирдагчид, олон улсын улс төрийн лидерүүд, сонгогдсон эрдэмтэд болон сэтгүүлчид оролцож, дэлхий дахинд тулгараад байгаа эрүүл мэнд, байгаль орчин зэрэг хамгийн чухал асуудлуудын талаар санал бодлоо уралдуулдаг уламжлалтай.
Уулзалтаас гадна тус сан хэд хэдэн төрлийн судалгааны тайлан гаргаж, гишүүдийнхээ сонирхсон салбарт санаачлага гаргадаг[1].
Түүх
засварлах1971 онд дэлхийн өнцөг булан бүрээс 1000 орчим томоохон компани, байгууллагын төлөөллүүд гишүүнчлэлтэй. Байнгын гүйцэтгэх байгууллага нь Удирдах зөвлөл юм. Төв байр нь Женевийн хотын захад байрлах Колоньи хот юм. Чуулганы төсвийг жил бүрийн гишүүнчлэлийн татвар, форумд оролцогчдын оруулсан хөрөнгөөс бүрдүүлдэг. Оролцогчдын бүрэлдэхүүнийг жил бүр хянаж өөрчилдөг байна. ДЭЗФ-ыг үүсгэн байгуулагч, байнгын захирал нь профессор Клаус Шваб юм. Түүний санаачилгаар 1971 онд анх удаа симпозиум болж, Европын тэргүүлэх компаниудын 450 орчим удирдах албан тушаалтан оролцож, дэлхийн эдийн засгийн хэтийн төлөвийг хэлэлцэж, нэгдсэн стратеги боловсруулжээ.
Өмнө нь "Европын менежментийн форум" нэртэй байсан бөгөөд 1987 онд өнөөгийн нэрээ олжээ.
ДЭЗФ-ын гол арга хэмжээ бол жил бүр уламжлал болгон дэлхийн алдартай цанын бааз Давос хотод 1-р сарын сүүл буюу 2-р сарын эхээр болдог (2001 онд Нью-Йоркт болсон террорист халдлагын улмаас АНУ-тай эв санааны нэгдлээ илэрхийлснийг эс тооцвол) форум юм. Уламжлал ёсоор бол дэлхийн цаг үеийн гол асуудлууд, эдийн засгийн хөгжлийн хэтийн төлөв, тогтвортой байдал, энх тайвныг бэхжүүлэх, "халуун цэгүүд"-ийн нөхцөл байдлын талаар албан бус хэлбэрээр хэлэлцдэг. Давосын уулзалтын хүрээнд 300 орчим нэгдсэн хуралдаан, семинар, дугуй ширээний уулзалт, төрийн удирдагч нарыг оролцуулсан “бяцхан албан бус дээд хэмжээний уулзалт” зохион байгуулдаг уламжлал тогтоод байна.
Тус байгууллага нь Колоньид байрлах төв байраас гадна Нью-Йорк, Бээжин, Токиод салбартай. 2016 оны 10-р сарын 10-нд АНУ-ын Сан Франциско хотод мөн нэгэн шинэ салбараа нээсэн байна.
Эшлэл
засварлах- ↑ Pigman. pp. 41–42.
Цахим холбоос
засварлах
Commons: Дэлхийн Эдийн Засгийн Форум – Викимедиа зураг, бичлэг, дууны сан- Дэлхийн Эдийн Засгийн Форумын албан ёсны цахим хуудас (олон хэлээр)