Думаагийн Намсрай
Думаагийн Намсрай (1967 онд төрсөн) - Монгол Улсын бригадын генерал, Онцгой байдлын ерөнхий газрын дэд дарга.
Д.Намсрай хуучнаар МАА-н 084-р ангид байлдагчаас эхлээд салаан захирагчаар ажлын гараагаа эхэлж, цаашлан Улсын Иргэний Хамгаалалтын Газарт (одоогийн Онцгой Байдлын Байгууллага) ажилласан. 2001 оны Увс аймгийн Малчин суманд болсон Ми-8 нисдэг тэрэгний ослоос амь гарсан алба хаагчдийн нэг. 2024 оны 5-р сард Монгол Улсын Ерөнхийлөгчийн зарлигаар Монгол Улсын 225 дахь генерал ба анхны шүхэрчин генерал болсон юм.
Боловсрол
засварлах- 1975-1985 онд Ерөнхий боловсролын сургууль
- 1987-1992 онд ЗХУ /хуучнаар/ -ын Рязань хотын Агаар десантын цэргийн дээд сургууль
- 1993-1994 онд Төрийн захиргаа, удирдлагын академи
- 2004 онд ХБНГУ-д Европын аюулгүй байдлыг судлах Жорж Маршаллын сургуулийн удирдах албан тушаалтны дамжаа
- 2012 онд ХБНГУ-д Европын аюулгүй байдлыг судлах Жорж Маршаллын сургуулийн удирдах дээд албан тушаалтны дамжаа тус тус суралцаж төгссөн.
Ажилласан байдал
засварлах- 1986-1987 онд МАА-ийн 084-р ангид байлдагч
- 1992-1993 онд АЦ-ийн 084-р ангид салааны захирагч
- 1993-1997 онд УИХГ-ын Байгалийн гамшигтай тэмцэх албаны шүхрийн ахлах зааварлагч
- 1997-2004 онд УИХГ-ын Гамшиг, осолтой тэмцэх хэлтсийн Сургалт хариуцсан офицер, байцаагч
- 2004-2005 онд Гамшгаас хамгаалах ерөнхий газрын Гамшгаас хамгаалах тусгай ангийн Агаар десантын отрядын дарга
- 2005-2007 онд ОБЕГ-ын харьяа Аврах тусгай ангийн захирагчийн I орлогч, штабын дарга
- 2007-2013 онд ОБЕГ-ын дэд дарга бөгөөд Гамшигтай тэмцэх газрын дарга
- 2013-2015 онд ОБЕГ-ын Гамшгаас хамгаалах газрын дарга
- 2015-2018 онд ОБЕГ-ын харьяа Аврах тусгай ангийн захирагч
- 2018-2023 онд ОБЕГ-ын харьяа Үндэсний аврах бригадын захирагч
- 2023 оны 02 сараас Онцгой байдлын ерөнхий газрын дэд даргаар томилогдон ажиллаж байна.