Дува сохор
Дува сохор (монгол:ᠳᠤᠸᠠ ᠰᠣᠬᠣᠷ, галиг: Duwa-Soqor[1], хятад: 都︀蛙-鎻豁兒[1], пиньинь: Dōu︀ wā-suǒ huō er) нь Бөртэ чонын 10-р үеийн ач Торголжин баяны гэргий Борогчин гуагаас төрсөн ууган хөвүүн. Хамаг Монголын Дөрвэд овогтны дээдэс болно. МНТ-д: "Боржигидай мэргэний хөвүүн Торголжин баян, Борогчин гоо гэргийтэй. Боролдай суялби гэдэг залуутай, дайр, бор хоёр хүлэг агттай бүлгээ. Торголжины хөвүүн Дува сохор Добун мэргэн хоёр бүлгээ. Дува сохор магнай дундаа ганц нүдэт, гурван нэүридийн газарт харах бүлгээ. Нэгэн өдөр Дува сохор Добун мэргэн дүүтэйгээ Бурхан халдун дээр гарав. Дува сохор Бурхан халдун дээрээс харж, Түнхэлиг горхи руу нэгэн бөлөг иргэн нүүж орж айсуйг харж үзэж өгүүлрүүн: Тэд нүүж айсуй иргэдийн дотор нэгэн харуутай тэрэгний өлжигт нэгэн сайхан охин буюу хүнд эс өгсөн бөгөөс Добун мэргэн дүүдээ, чамд гуйя хэмээж Добун мэргэн дүүгээ үзүүлэхээр илгээв. Добун мэргэн тэд иргэнд хүрвээс үнэнхүү гоо сайн, алдар нэр ихтэй, Алун гуа нэртэй хүнд өгөөгүй охин ажгуу."[2] хэмээсэн байна.
Түүнийг нас барсны дараа Эмнэг, Догшин, Доной, Эрх нарын дөрвөн хөвүүд нь авга Добу мэргэн юугаан авга хэмээн эс тоож, салаад Дөрвөн овогтон болжээ.
Эшлэл
засварлах- ↑ 1.0 1.1 "Монголын нууц товчооны Ширатори Күракичигийн галиг, 4-р зүйл". ja.wikisource.org (хятад хэлээр). Татаж авсан: 2023-12-06.
- ↑ "Монголын нууц товчоо: 4-р зүйл". www.mongolian-art.de. Татаж авсан: 2023-12-06.