Далан худалч

Далан худалч-Монгол ардын хошин шог үлгэрийн баатар. 17-19-р зууны үед манжийн дарлал, нийгмийн шударга бус ёсыг уранаар шоголсон Далан худалчийн цуврал үлгэр монголчуудын дунд их тарсан юм. "Батганын унгас сааж эсгий хийсэн нь", "Болтгыг унаж, ингэ дүүрсэн нь" гэх мэт жирийн ахуй байдлыг хошин үйл явдал болгон дүрсэлсэн төдийгүй гол баатар Бэлэн Сэнгэ ард түмний сайн сайхны төлөө тэмцэгч домогт баатруудын нэг болон олны сэтгэлд хоногшжээ.

Далан худалчийн үлгэр нь а/. үргэлжилсэн үгийн явган шог үлгэрийн хэлбэрээр ("Зүр сөөхий өмсч луучингаар өшиглөв", "Өвөл хөхөө донгодход хүйдсээр шидсэн нь", "Тогоо яаж жалавч төрүүлсэн бэ?" гэх мэт) халхад их дэлгэрсэн. б/ Нөгөө нь олон мөр бүхий шүлэглэсэн зохиолын хэлбэрээр ("Сэцэн Сэнгэ" ) буриадад тархжээ.