Дагвадоржийн Азжаргал
Булган аймгийн Сайхан сумаас гаралтай Дагвадоржийн Азжаргал 1978 онд Говьсүмбэр аймгийн Сүмбэр суманд төржээ. Тэрбээр айлын гурван хүүгийн гурав дахь нь юмсанж. Аав Булган аймгийн арслан Б.Дагвадорж нь Булган аймгийн Сайхан сумын уугуул бөгөөд Даншигийн алдарт аварга Шагдарын Лувсанжамбаа, Шагдарын Намхай нарын төрөл удмын бөх юм. Түүний хоёр ах аймгийн арслан цолтой улс байдаг. Тодруулбал, төрсөн ах Дагвадоржийн Түмэнжаргал нь 1998 онд Говьсүмбэр аймгийн баяр наадамд түрүүлж аймгийн арслан цолд хүрч, төрсөн ах Дагвадоржийн Батжаргал нь мөн л 2001 онд аймгийн баяр наадамд түрүүлж аймгийн арслан цол хүртэж байжээ. Азжаргал 1996 онд Сүмбэр сумын 10 жилийн дунд сургуулийг төгсөөд УБИС-ийн биеийн тамирын тэнхимд багш дасгалжуулагчийн ангид орж суралцан, 2000 онд төгссөн байна. Тавдугаар ангиасаа бөхийн спортоор хичээллэж, "Боржигины хүүхдүүдийн урлаг спортын наадам"-аас бөхийн гараагаа эхлэн алтан медаль хүртжээ. Үүний хажуугаар чөлөөт бөхийн төрлөөр хичээллэж МУГТ А.Энхээгийн нэрэмжит залуучуудын аварга шалгаруулах тэмцээнээс алт, мөн залуучуудын улсын аваргаас алт, мөнгө, хүрэл медаль авч бас Солонгос улсын Ширым бөхийн барилдаанд амжилттай барилдаж байсан билээ.
| Дагвадоржийн Азжаргал | |
|---|---|
 | |
| Нэр | Дагвадоржийн Азжаргал |
| Цол | Улсын арслан |
| Төрсөн өдөр | 1978 оны 10 сарын 24 |
| Төрсөн газар | Говьсүмбэр аймаг, Сүмбэр сум |
| Амжилт | |
| Түрүүлсэн тоо | 0 |
| Үзүүрлэсэн тоо | 1 |
| Шөвгөрсөн тоо | 4 |
| Цол хүртсэн он | |
| Аймгийн арслан | 1997 |
| Улсын начин | 2002 |
| Улсын арслан | 2006 |
| Тайлбар | |
Амжилт засварлах
- 1997 онд Говьсүмбэр аймгийн наадамд түрүүлж аймгийн арслан
- 2002 онд Улсын наадамд 5 давж Улсын начин
- 2006 онд Улсын наадамд 9 давж үзүүрлэн Улсын арслан
- 2011 онд Улсын наадамд 5 давж Өсөх идэр чимэг хүртсэн
- 2012 онд Улсын наадамд 5 давж Улам нэмэх чимэг хүртсэн
- 2014 онд Улсын наадамд 5 давж чимэг тус тус хүртсэн.