Вандандоржийн Баттулга
Вандандоржийн Баттулга нь (1960 онд төрж, 2021 онд нас барсан) Алтан гадаст гэрэл зургийн сурвалжлагч, гэрэл зурагчин хүн юм.
Намтар
засварлахВандандоржийн Баттулга 1960 онд Улаанбаатар хотод төрсөн. Тэр 1986 оноос гэрэл зураг авч эхэлсэн бөгөөд 1981 оноос МРТУХ-оос ажлын гараагаа эхэлжээ. Монголын үндэсний телевиз, “Ардын эрх” сонин, Улсын гэрэл зургийн газар, “Монголын мэдээ” сонин, “Фотолинк” агентлагт гэрэл зургийн сэтгүүлчээр ажиллаж байв. В.Баттулга нь 2008 оноос бие даан уран бүтээлээ туурвиж байлаа.
В.Баттулга нь Москвад Кино урлагийн дээд сургууль суралцсан бөгөөд эх орондоо “Магнум-Дорно дахинд” гэрэл зургийн сургалт, Монголын Хэвлэлийн Хүрээлэн, Andrea Kunzig Lecturer International Institute for journalism InWEnt Berlin “News photography” гэрэл зургийн сургалт, “Загварын гэрэл зураг” сургалт, “Гёте” институт, “Гамма” агентлагаас зохион байгуулсан “Соёл болон уур амьсгалын өөрчлөлт” гэрэл зургийн сургалтад тус тус суралцаж төгсжээ.
Гаргасан амжилтууд
засварлах- БНМАУ-ын “Ажилчны урлагийн хоёрдугаар их наадам” I байр.
- “Ажилчин ангийн яруу алдар” I байр
- “Спортын мэдээ-30 жил” I байр
- “Хувьсгалт хэвлэлийн 70 жил” III байр
- СГЗ Ц.Нинагийн нэрэмжит “Шилдэг гэрэл зураг-1997” уралдааны ГРАН ПРИ
- “Улаан загалмай гэрэл зургийн дуранд” III байр
- “Аз жаргалтай гэр бүл” I байр
- ЮНЕСКО-гийн Хүүхдийн сангаас зарласан “Хүүхдэд ээлтэй Монгол орон” гэрэл зургийн уралдааны Тэргүүн байр
- БОАЖ Яамнаас зарласан “Монгол орон” уралдааны I байр
- “Монос цэцэглэлээ” уралдааны I байр
- “Даяарчлал ба Монгол орон” уралдааны I байр
- Олон улсын мотоциклын холбооны 100 жилийн ойн Олон улсын гэрэл зургийн уралдаанд дэд байр
- Ц.Батзоригийн нэрэмжит “Шилдэг гэрэл зураг-2004” уралдааны ГРАН ПРИ
- “Хана хэрэм” уралдааны I байр
- “Цэвэр агаар бэлэглэцгээе” I байр
- “Өнгө ба хар цагаан-2” Тэргүүн байр
- “Хөгжил дагуулсан-20 жил” I байр
- “Сүүн цагаан өвөл”-Тэргүүн байр
- “National geographic Мongolia” сэтгүүлээс зарласан “Хотжилт ба хүмүүс” Тусгай байр
- “Өнгө ба хар цагаан-3” III байр
- “Жендерийн эрх тэгш байдал миний нүдээр” уралдааны Тэргүүн байр
- “Амрыг эрье” тусгай байр
- “Улаанбаатар хотын хөгжил, Бүтээн байгуулалт” уралдааны тусгай байр зэрэг хэдэн арван уралдаанд амжилт гаргаж байв.
Уран бүтээлийн үзэсгэлэн
засварлахГэрэл зургийн бүтээлээрээ бие даан “Дэл уулын хадны зураг”, “Монгол улсын одон ба медаль 1924-1992”, “Алтан тэвшт Мөнгөн амсарт Бигэр нутаг”, “Мандан бадарсан Мандах нутаг”, “Мэлмийгээр гийгүүлэгч”, “Монгол орны хадны зураг” зэрэг гэрэл зургийн цомог, “Гэрлээр бичих урлаг 1,2” гэрэл зургийн сурах бичиг зэргийг хэвлүүлж, олонд хүргэжээ. Хамгийн сүүлд буюу 2020 онд “Монголын Гэрэл зургийн Түүхэн товчоо” номыг санаачлан, эмхэтгэн хэвлүүлээд байлаа. 2013 онд бие даасан, бүрэн хэмжээний ”Гэрлээр бичсэн миний Ертөнц” үзэсгэлэнгээ дэлгэсэн.