Биатлон (Англи: Biathlon) гэдэг нь ерөнхийдөө 2 өөр спортын төрлийн хосолсон спортыг хэлдэг. Гэхдээ ихэнх тохиолдолд гүйлтийн цана болон буудлагын хослол спортын төрлийг ингэж нэрлэх бөгөөд биатлон гэвэл уг спортын төрөл гэж ойлгоно. Түүнээс гадна кросс гүйлт, буудлагыг хослуулсан зуны биатлон, мөн гүйлт, усанд сэлэлтийг хослуулсан орчин үеийн биатлон болон биатл зэрэг спортын төрлүүд бий. Энэ өгүүлэлд гүйлтийн цана, буудлагын хослол биатлоны тухай өгүүлэх болно.

Үүсэл засварлах

Биатлоны спорт анх Норвегийн цэргийн бэлтгэлээс үүсчээ. Анхны өвлийн олимпын хөтөлбөрт цэргийн манаа нэрээр орсон бөгөөд 1928, 1936, 1948 оны олимпуудад үзүүлэх спортын хувиар багтсан байна. Гэхдээ оролцогч орнуудын зарим нь Олон Улсын Биатлоны Холбооноос гаргасан тэмцээний дүрмийг хүлээн зөвшөөрөөгүйн улмаас албан ёсоор олимпын хөтөлбөрт багтаагүй байна. 1950-иад оны дундуур Зөвлөлт Холбоот Улс, Шведэд эрчимтэй хөгжиж, 1958 онд дэлхийн аварга шалгаруулах анхны тэмцээнээ зохиосны дараа 1960 оноос л өвлийн олимпын хөтөлбөрт албан ёсоор багтжээ. Өдгөө өвлийн олимпын хамгийн үзүүштэй спортын төрлүүдийн нэг болоод буй. 1992 оны Альбервиллийн олимпоос эхлэн эмэгтэйчүүд ч биатлоноор олимпын тавцанд өрсөлдөх болсон.

Цахим холбоос засварлах

  Commons: Биатлон – Викимедиа зураг, бичлэг, дууны сан
 
Wiktionary
Wiktionary: Биатлон – Энэ үгийг тайлбар толиос харна уу
  • biathlonworld.com – Олон Улсын Биатлоны Холбооны албан ёсны цахим хуудас