Солбицол: 24°N 14°W / 24°N 14°W / 24; -14

Баруун Сахар (Араб: الصحراء الغربية, бербер: Taneẓṛuft Tutrimt, исп. Sáhara Occidental) нь Хойд Африкт хойд талаараа Марокко, зүүн хойд талаараа Алжир, зүүн болон өмнө талаараа Мавритан улсуудтай хиллэн, баруун талаараа Атлантын далайгаар хүрээлэгдсэн оршдог, НҮБ-ын хяналт дор орших бүс юм. Газар нутаг нь 266,000 square kilometres (2.86×1012 sq ft). Дэлхийн хамгийн хүн ам сийрэг суурьшдаг нутгуудын нэг болох Баруун Сахарын нутгийн ихэнхийг цөлийн бүс эзэлнэ. Хүн амын тоо дөнгөж 500,000 гаруй[3], тэдний талаас илүү нь хамгийн том хот болох Эл Аюнд амьдардаг.

Баруун Сахар
الصحراء الغربية (Араб)
Taneẓroft Tutrimt (Бербер хэлнүүд)
Sáhara Occidental (Испани)
Баруун Сахарын газрын зураг
Баруун Сахарын газрын зураг
Солбицол: 25°N 13°W / 25°N 13°W / 25; -13
Улсууд
Томоохон хотЭль Аюн
Газар нутаг
  Нийт266,000 км2 (103,000 бээр2)
Хүн ам
  Нийт565,581[1][2]
  Нягтрал2.03/км2 (5.3/бээр2)
 (2021)
Цагийн бүсUTC+01:00
ISO 3166 кодEH

Баруун Сахар нь Испанийн колони байх үедээ буюу 1960-аад оноос НҮБ-ын хяналтад оржээ[4]. Өдгөө тус бүс нутагт хяналтаа тогтоох талаар Мароккогийн Вант Улс болон Сахарын үндэсний чөлөөлөх хөдөлгөөн болох Полисарио Фронтын Бүгд Найрамдах Ардчилсан Арабын Сахар Улсын (дүрвэгсдийн засгийн газар нь Алжирын Тиндуфт байрладаг) хооронд маргаантай.

Нэгдсэн Үндэстний Байгууллагын зуучлалаар гал зогсоох хэлэлцээр 1991 онд байгуулагдсанаас хойш ихэнх нутгийг (Атлантын далайн эргийн бүх шугамыг оролцуулаад) Марокко улс, үлдсэн хэсгийг Алжирын хүчтэй дэмжлэг бүхий Полисарио/БНАСАУ-ын тал хянаж байна[5]. Олон улсын хэмжээнд, Европын Холбоо, Орос зэрэг томоохон хүчнүүд хоёр талын хооронд төвийг сахисан байр суурь баримталж, аль алинд нь энхтайвны хэлэлцээрийг зөвшөөрөх талаар шахалт үзүүлдэг. Иймээс Марокко, Полисариогийн талууд Африк, Ази, Латин Америкийн хөгжиж буй орнуудаас өөрийн талд ашигтайгаар шийдвэрлүүлэхэд дэмжлэг авахаар хүчин чармайлт гаргаж байгаа юм. Полисарио Фронт нь БНАСАУ-ыг дэлхийн 36 орноор хүлээн зөвшөөрүүлснээс гадна Африкийн Холбоонд гишүүнээр элсч чадсан бол Мароккогийн тал Арабын Барилдлагын ихэнх орон, Африкийн хэд хэдэн орны дэмжлэгийг хүлээж байна[6][7]. Энэ утгаараа хоёр арван зарцуулаад ч шийдэлд хүрээгүй байгаа тус бүс нутгийн асуудал олон улсын байдал өөрчлөгдөхгүй бол ямар нэгэн шийдэлд хүрэх болоогүй байгаа билээ.

  1. "World Population Prospects 2022". population.un.org. United Nations Department of Economic and Social Affairs, Population Division. Retrieved July 17, 2022.
  2. "World Population Prospects 2022: Demographic indicators by region, subregion and country, annually for 1950-2100" (XSLX). population.un.org ("Total Population, as of 1 July (thousands)"). United Nations Department of Economic and Social Affairs, Population Division. Retrieved July 17, 2022.
  3. Иш татахад гарсан алдаа: Invalid <ref> tag; no text was provided for refs named unpop
  4. Whitfield, Teresa. Friends Indeed?: The United Nations, Groups of Friends, and the Resolution of Conflict. 2007, page 191.
  5. Baehr, Peter R. The United Nations at the End of the 1990s. 1999, page 129.
  6. Arab League supports Morocco's Territorial Integrity (Memento 22. Аравдугаар сар 2013 цахим архивт), Arabic News, Morocco-Regional, Politics, January 8, 1999. Retrieved August 24, 2006.
  7. Arab League Withdraws Inaccurate Moroccan maps (Memento 22. Аравдугаар сар 2013 цахим архивт), Arabic News, Regional-Morocco, Politics, December 17, 1998. Retrieved August 24, 2006.