Ато Жабари Болдон (Англи: Ato Jabari Boldon, 1973 оны 12 сарын 30-нд төрсөн) нь Тринидад ба Тобагогийн хөнгөн атлетикч, олимпын 4 медальтай тамирчин юм. Ойрын зайн гүйгчдээс түүнээс гадна Фрэнки Фредерикс, Карл Льюис нар л хувийн төрлөөр олимпын 4 медаль зүүж түүхэн үлдсэн байдаг. Түүний 50, 60, 100, 200 метрийн гүйлтийн хувийн дээд амжилт нь харгалзан 5.64, 6.49, 9.86, 19.77 секунд бөгөөд бүгд улсынхаа дээд амжилт болно.
Хөнгөн атлетикийн замналаа дуусгасны дараа тэрээр 2006–2007 онд сөрөг хүчин болох Үндэсний Нэгдсэн Конгрессийг төлөөлж Тринидад ба Тобагогийн парламентад сууж байсан Сенатор байсан. Өдгөө Си-Би-Эс, Эн-Би-Си Спортс телевизүүдэд хөнгөн атлетикийн тоймчийн ажил эрхэлж буй.
Commons: Ato Boldon – Викимедиа зураг, бичлэг, дууны сан