Арминас Нарбековас
Арминас Андреевич Нарбековас (1965 оны 1 сарын 28-нд Гаргждайд төрсөн[1]) нь Литвын хөлбөмбөгчин асан, Банга Гаргждай багийн ахлах дасгалжуулагч юм.
| Хувийн мэдээлэл | |||
|---|---|---|---|
| Бүтэн нэр | Арминас Андреевич Нарбековас | ||
| Өндөр | 1.75 м | ||
| Байрлал | Довтлох чиглэлийн хагас хамгаалагч | ||
| Багийн мэдээлэл | |||
| Одоогийн баг | Банга Гаргждай (Ахлах дасгалжуулагч) | ||
| Мэргэжлийн замнал* | |||
| Он | Баг | Гараа† | (Гоол)† |
| 1983-1990 | Жальгирис Вильнюс | 155 | (51) |
| 1990 | Локомотив Москва | 14 | (2) |
| 1990-1996 | Аустри Вена | 115 | (32) |
| 1996-1998 | Адмира Вакер Мёдлинг | 50 | (9) |
| 1998-1999 | Санкт-Пёлтен | ?? | (?) |
| 1999-2000 | Адмира Вакер Мёдлинг | 20 | (4) |
| 2000-2001 | Хундсхайм | ?? | (??) |
| 2001-2003 | Виенер | 11 | (0) |
| 2003-2004 | Цагаан Од Бригиттенау | 11 | (2) |
| 2004-2005 | Вайкерсдорф | 23 | (9) |
| Шигшээ баг | |||
| 1988-1990 | ЗХУ | 0 | (0) |
| 1990-2001 | Литва | 13 | (4) |
| Дасгалжуулсан багууд | |||
| 2004-2005 | SV Weikersdorf | ||
| 2006-2007 | Жальгирис Вильнюс | ||
| 2007-2009 | Донау Ланглебарн | ||
| 2009- | Банга Гаргждай | ||
| 2010- | Литва (туслах дасгалжуулагч) | ||
| * Мэргэжлийн замналын тоглолтын (гоол) үзүүлэлтийг дотоодын лигтэй нь уялдуулсан болно. † Гараа (Гоол). | |||
| Олимпын медаль | ||
| Эрэгтэй хөлбөмбөг | ||
|---|---|---|
 |
Сөүл 1988 | Баг |
Шигшээ баг
засварлахТэрээр ЗХУ-ын шигшээ багийн бүрэлдэхүүнд ФИФА-гийн албан ёсны тоглолтод оролцож байгаагүй хэдий ч 1988 оны зуны олимпод тоглож, алтан медаль хүртэж байсан. Тус тэмцээнд Нарбековас 2 гоол оруулснаас хагас шигшээд Италийн хаалганд нэмэлт цагт гоол оруулан, багаа 3-2 харьцаагаар ялж шигшээд шалгарахад том тус хүргэжээ. Арминас шинэ тутам байгуулагдсан Литвын шигшээ баг анхны тоглолтоо 1990 оны 5 сарын 27-нд Гүржийн шигшээ багийн эсрэг хийж, 2-2 харьцаагаар тэнцэхэд тус улсын шигшээ багийн түүхэн дэх анхны гоолыг нь оруулж байжээ. Харамсалтай нь бэртэл гэмтлийн улмаас шигшээ багтаа дөнгөж 13 тоглолт хийж, 4 гоол оруулсан амжилтаар тамирчны замналаа дуусгасан юм.
Шагнал
засварлахНарбековас 1985 - 1988 онд 4 жил дараалан Литвын шилдэг хөлбөмбөгчнөөр шалгарч байв[2]. Мөн УЕФА 2003 онд байгуулагдсаныхаа 50 жилийн ойгоор гишүүн улс бүрийнхээ өнгөрсөн 50 жилийн шилдэг тоглогчийг шалгаруулахад Литвын Хөлбөмбөгийн Холбоо түүнийг улсынхаа шилдгээр нэрлэжээ[3].