Александр Горчаков

Александр Михайлович Горчаков (1798 оны зургаадугаар сарын 4-нд^юл. / зургаадугаар сарын 15-нд^гри.өнөөгийн Эстонийн Хаапсалу хотод төрсөн; 1883 оны гуравдугаар сарын 11-нд Германы Баден-Баден хотод нас барсан) Оросын эзэн хаан II Александрын үед Гадаад харилцааны байгууллагыг удирдаж байсан бөгөөд 1867 оноос Оросын эзэнт улсын сүүлчийн канцлер байсан.

Намтар

Эцэг нь хошууч генерал тайж Михаил Алексеевич Горчаков, эх нь баронесс Елена Доротеи Ферзен байжээ.

Александр Горчаков Царскосельскийн лицейд хүмүүжсэн бөгөөд тэнд алдарт зохиолч Александр Пушкинтай нөхөрлөж явжээ. Залуугаасаа их ганган, олон найзтай, гярхай нэгэн байсан гэж Пушкин түүнийг сүүлд тодорхойлсон байдаг.

1819 онд Горчаков Эзэн хааны ордны "камер-юнкер" цол хүртэж байжээ. 1820—1822 онд тайж Нессельродын хамт Троппау, Люблян, Верона зэрэгт олон улсын хуралд оролож байжээ. 1822-1827 онд Лондон дахь Оросын ЭСЯ-нд нарийн бичгийн дарга, дараа нь Ром хотод мөн дипломат алба хашсан байна. 1828 онд түүнийг Берлин дахь ЭСЯ-нд зөвлөх, тэндээсээ Флоренцид Түр хамаарагчаар ажиллаад 1833 оноос Венад ЭСЯ-ны зөвлөхөөр шилжин ажилласан байна.

1841 онд Штутгартад томилогдоод тэндээ 12 жил Онц бөгөөд бүрэн эрхт Элчээр ажиллсан байна. Тайж Горчаков Франкфурт-дахь -Майнд 4 жил болох хугацаанд пруссын төлөөлөгч Отто фон Бисмарктай дотносон байна.

1856 оны Парисын Конгрессын дараа Граф Нессельрод огцорч 1856 оны 4 дүгээр сард Оросын Гадаад хэргийн сайдаар А.Горчаков томилогдсон байна.

А.Горчаков Оросын гадаад бодлогын гол зорилтыг Хар тэнгисийг саармагжуулах тухай Парисын гэрээний заалтуудыг хүчингүй болгохоос ажлаа эхлүүлж байв. Тэрээр Европын гүрнүүдийн Оросын эсрэг нэгдсэн эвсэлд орж, 1870 онд Орост Хар тэнгист тэнгисийн цэргийн флот байгуулж, тэнгисийн цэргийн бааз байгуулахыг зөвшөөрсөн Конвенцид гарын үсэг зурж чадсан юм.

1875 онд Горчаковын дипломат албан тушаал Францыг Германы шинэ түрэмгийллээс аварсан юм. 1877-1878 оны Орос-Туркийн дайны үеэр. А.Горчаков тодорхойгүй байр суурь эзэлсний үр дүнд 1878 оны Берлиний Конгрессоор Орос улс ялалтынхаа үр шимийг алджээ. Энэ нь сайдын нэр хүнд буурахад ихээхэн нөлөөлсөн боловч тэрээр эрүүл мэндийн шалтгаанаар тэтгэвэрт гарсан байна.

1882 онд Горчаков албан бусаар огцорсон байна.

1883 оны 2-р сарын 27-нд Баден-Баденд (Швейцарь) хотод нас барж Санкт-Петербург хотод оршуулжээ.