Агваанжанцангийн Жамсранжав

Агваанжанцангийн Жамсранжав (1943 оны 8-р сарын 5-нд Ховд аймгийн Мянгад суманд төрсөн-1993 оны 3-р сарын 17-нд нас барсан)- Монгол Улсын төрийн зүтгэлтэн, УАХЕГ-ын дарга, 1984-1990 онд НАХЯ-ны сайд, дэслэгч генерал цолтой.

Намтар

1949-1953 онд бага сургууль, 1956-1962 онд Ховд аймгийн 10 жилийн сургууль,

1962-1967 онд ЗХУ-д Геодезийн дээд сургуульд сурч геодезийн инженер мэргэжилтэй болсон.

1977-1979 онд ЗХУ-ын Коммунист намын дэргэдэх Нийгмийн ухааны академийг тус тус төгссөн,

1967-1977 онд УАХЕГ-т төлөөлөгч, ахлах төлөөлөгч, тасаг, хэлтсийн даргаар ажиллаж байв.

1979-1981 онд МАХН-ын Төв Хороонд хэлтсийн орлогч эрхлэгч,

1981-1984 онд НАХЯ-ны нэгдүгээр орлогч сайд, УАХЕГ-ын дарга,

1984-1990 онд НАХЯ-ны сайдаар ажилласан.

Дэслэгч генерал цолтой. Байлдааны гавьяаны улаан туг, Цэргийн гавьяаны одон, бусад медалиар шагнагдсан.

Тэрээр 1990 оны өөрчлөлт шинэчлэлтийн жилүүдэд НАХЯ, УАХБ түүний удирдлагууд дэлхий дахинд өрнөж буй ардчилсан үйл явц, хандлагыг гүйцэтгэж байсан ажлын үүргийн онцлогтойгоор тодорхой мэдэж байсны хувьд ардчилсан хувьсгалыг тайван замаар ялалтад хүрэх нөхцлийг бүрдүүлэхэд чухал хувь нэмэр оруулсан хүн юм.