World Plus

World Plus Digital LLC нь 2018 онд Х. Эрдэнэбаяр (Ebe)-ын санаачилгаар үүсгэн байгуулагдсан, дижитал сэтгүүлийн шинэ эриний төлөөлөгч компани юм. Уг компани нь дижитал сэтгүүлийг унших уламжлалт хэв маягийг эвдэж, бүрэн интерактив байдал, технологийн шинэлэг шийдлээрээ хэвлэмэл болон pdf хэлбэрийн сэтгүүлүүдээс ялгардаг. World Plus нь дэлхийн шилдэг сэтгүүлүүдийн томоохон дижитал сан бөгөөд одоогийн байдлаар Harper's Bazaar, Top Gear, Marie Claire, Cosmopolitan, Esquire, Vogue, GQ тэргүүтэй дэлхийн 7 хэлээрх 100 гаруй шилдэг хэвлэн нийтлэгч, сэтгүүлүүдтэй хамтран ажиллаж байна.

**Байгуулагдсан он** 2018

**Улс** Монгол

**Үйл ажиллагааны статус** Идэвхтэй

**Үүсгэн байгуулагч** Хасагийн Эрдэнэбаяр

**Салбар** Дижитал паблишинг, дижитал медиа

**Ажилтнуудын тоо** 72

**Холбоос** www.wplus.world

Түүх

Олон улсын дижитал сэтгүүлийн зах зээлд түлхүүр тоглогч болох хүсэлтэйгээр Ebe компаниа 2014 онд байгуулж байжээ. Дэлхий нийтээрээ дижитал шилжилт хийж, медиа салбар маш хурдацтай хувьсан өөрчлөгдөж байгаа өнөө үед телевизүүд эрэлтэд нийцсэн, хэрэглэгч төвтэй үйлчилгээтэй болж (on demand), сонин вебсайт болон хувирч, радио подкаст хэлбэр лүү шилжиж байсан боловч эрэлтээрээ тэргүүлэгч сэтгүүлийн зах зээлийн дижитал шилжилтийн хурд удаашралтай байснаас үүдэн уг компанийг байгуулах ажлаа эхлүүлсэн байна.

Ebe Их Британийн Лондон Метрополитаны их сургуульд суралцаж байх үедээ найзуудтайгаа нийлэн төрөл бүрийн программ ашиглан, дижитал сэтгүүл хийж үзсэнээр энэхүү салбарт хөл тавих эхлэл нь болжээ. Уг ажлыг гүйцэтгэхэд хангалттай хүчин чадалтай программ хомс, интерактив шийдэл бүхий сэтгүүл хийхэд ихээхэн хүндрэлтэй байсан боловч тэрээр хэвлэмэл сэтгүүлийн өртгийг бууруулах, орчин үеийн залуусын шаардлагад нийцсэн буюу бүрэн интерактив хэлбэрийн сэтгүүл бүтээх хүсэлдээ хөтлөгдсөөр өнөөдрийн World Plus-ыг бий болгожээ.

Монгол залуусын хөгжүүлсэн аппликейшн, платформыг олон улсын хэрэглэгчид шууд ашиглах боломж дутмаг байдгаас гадна хамтран ажиллахаар зорьж буй хэвлэн нийтлэгчдэд харуулах бодитой зүйл (prototype) хэрэгтэй байсан тул Woovoo нэрийн дор дэлхийн хотуудын танилцуулга, гарын авлагыг контент бэлдэх байдлаар хийж, туршиж үзсэн байна. Уг төслийн үйл явцаас тэд контент бүтээгч нь биш, харин платформ нь байх ёстой гэдгийг сайтар ойлгож, өмнөх ажлын туршлага дээр үндэслэн M+ аппликейшнийг Монголд нэвтрүүлэн, нэг жилийн хугацаанд туршиж үзээд, олон улсын зах зээлд World Plus буюу W+ нэрээр гаргажээ. [1]

Woovoo Logo

Mplus Logo

Таван жил үргэлжилсэн энэхүү ажлын үр дүнд soft launch буюу аппликейшний танилцуулгыг 2019 оны 7-р сард Сингапур улсын Marina Bay Sands зочид буудалд хийсэн бөгөөд уг арга хэмжээний үеэр Ази тивийн хэвлэлийн зах зээлийн томоохон тоглогчдод үйл ажиллагаагаа толилуулсан юм. Ийнхүү туршилтын загвараа сайжруулан ажилласаар, эцсийн бүтээгдэхүүнийг хэрэглэгчдэд хүргэхэд бэлэн болж, 2019 оны 10-р сард Токио хотын Imperial зочид буудалд World Plus аппликейшний албан ёсны нээлтийг хийжээ. [2] [3] [4]

World Plus Opening Ceremeony at Marina Bay Sands

Эзэмшигчид

Технологид суурилсан бизнес үр ашгаа өгч эхэлтлээ тодорхой хугацаа шаарддагаас гадна бусад бизнесүүдтэй харьцуулахад биет хөрөнгө бага гэх мэт өвөрмөц онцлогууд нь монгол бизнесмен, хөрөнгө оруулагчдын арга барилд төдийлөн тохирдоггүй. Монгол улсын санхүүгийн таагүй байдал болон технологийн бизнест зээл олгодоггүй нөхцөлийн улмаас Ebe өөрийн хувийн санхүүгийн эх үүсвэрийг ашиглаж, шаардлагатай тохиолдолд өндөр хүүтэй зээлийг хувь хүмүүсээс авч ажилласаар амжилтаа ахиулсан юм. Ийнхүү олон улсын тавцанд хүлээн зөвшөөрөгдсөний дараа санхүүжилт хийж, хувьцаа эзэмшигч болох хүсэлтэй хувь хүн болон компаниуд саналаа тавьж эхэлсэн юм. Японы сумо бөхийн түүхийн дээд амжилтуудын эзэн Хакухо Шо, Кимура констракшн компанийн эзэн Кимура Мотохару, Чикюжин Группийн захирал Ивамото Шиничи, Монгол улсын иргэн С.Пүрэвжав нар уг компанид хөрөнгө оруулан, хувьцаа эзэмшигчид болжээ.

[5]

Хамтран ажиллагчид

World Plus компанийн хөгжүүлж буй дижитал сэтгүүлийн өнгө үзэмж болон бүтээмжийн хурд зэрэг олон зүйлс Singapore Press Holding-ийн анхаарлыг татаж, Зүүн Өмнөд Азийн зах зээлд хамтран ажиллах тухай гэрээ нь 2020 оны 2-р сард хийгдэж, MyNewsstand+ нэртэй аппликейшнийг 2020 оны 7-р сараас эхлэн хамтран ажиллуулж байна.

MyNewsStandPlus Logo

Хятад улс, Хонг Конг, Тайвань улсуудын зах зээлд Z holdings буюу Weibo компани World Plus-тай хамтран ажиллахаар 2020 оны 5-р сард гэрээ үзэглэн, Хятад улсад хамтарсан компани байгуулсан. 2020 оны 9-р сард Хятадын зах зээлд нэвтрэхээр талууд ажилдаа оржээ.

Үйл ажиллагаа

Сэтгүүлийн зах зээл хэвлэн нийтлэгч, уншигч, зар сурталчилгаа нийлүүлэгч гэсэн үндсэн гурван тоглогчоос бүрддэг ба World Plus-ын хувьд WIN-WIN-WIN гурвалжин буюу оролцогч тал тус бүр ашигтай ажиллах хувилбарыг санал болгодог.

1. Хэвлэн нийтлэгчдийн хувьд бага зардлаар олон хүнд сэтгүүлээ уншуулах хэрэгцээ бий болдог бөгөөд World Plus хэвлэн нийтлэгчдийн сэтгүүлийг төлбөргүйгээр бүрэн интерактив болгон хувиргахаас гадна унших, сонсох, үзэх, захиалан худалдаж авах боломжуудыг олгосон бүтээгдэхүүнийг санал болгодог. Үүнд, хэвлэлт, хүргэлт, борлуулалтын зардал, цаг хугацааны алдагдал гэх мэт хэвлэн нийтлэгчдэд тулгардаг олон асуудлыг технологийн дэвшлийн тусламжтайгаар шийддэг. [6]

2. World Plus нь уншигчдад дэлхийн хаанаас ч, ямар ч цаг үед сэтгүүл унших боломжийг олгодог. Мөн хэвлэмэл сэтгүүл уншихад тулгардаг асуудлууд буюу хадгалалт, элэгдэлт, өндөр үнийн асуудлыг бүрэн шийдэхээс гадна дижитал эриний хурдацтай хөгжилд нийцсэн интерактив, технологийн өвөрмөц шийдэл бүхий сэтгүүлүүдийг уншигчдад санал болгодог.

3. Зар сурталчилгаа нийлүүлэгчдэд World Plus нь хэвлэмэл болон pdf хэлбэрийн сэтгүүлд байдаггүй интерактив боломжуудыг бий болгодог. Сэтгүүл дотроос шууд худалдан авалт хийх, бүтээгдэхүүний өнгө, загварыг өөрийн сонголтод тохируулан өөрчилж турших гэх мэтчилэн сурталчилгааг хэрэглэгчдэд сегментчилж хүргэх шийдлийг олжээ. Үүнээс гадна зар сурталчилгаа нийлүүлэгчийн байрлуулсан сурталчилгаа хэр үр дүнтэй хэрэглэгчдэд хүрч буй талаарх өндөр нарийвчлалтай дүн, мэдээллийг хиймэл оюуны тусламжтайгаар дамжуулдаг нь World Plus болон зар сурталчилгаа нийлүүлэгчийн хооронд итгэлцэл дээр суурилсан харилцааг бий болгоход түлхэц үзүүлдэг байна.

[7] [8]

World Plus-ын давуу тал
	Хэвлэмэл болон бусад pdf сэтгүүлүүд	World Plus
Текст	+	+
Зураг	+	+
Хөдөлгөөнт дүрс		+
3D		+
Дуу		+
Слайд шоу		+
Интерактив...		+

World Plus App

World Plus нь шинэ хэрэглэгчдэд нэг сарын турш үнэгүй ашиглах эрх олгодог бөгөөд уг эрхийн хугацаа дууссаны дараа хэрэглэгчээс сар бүр 5 долларын төлбөр авах нөхцөл бүхий үйлчилгээтэй. Сарын хураамжийг төлсний дараа World Plus дээр байрлах 100 гаруй бүрэн интерактив сэтгүүл уншигчид нээлттэй болно.

Компанийн бүтэц

World Plus нь

бизнес стратеги,
маркетинг,
борлуулалт,
бүтээгдэхүүн хөгжүүлэлт,
IT, технологи хөгжүүлэлт
гадаад харилцаа хариуцсан нийт 6 багаас бүрддэг бөгөөд тодорхой төсөл санаачлах болон хэрэгжүүлэх тохиолдолд эдгээр багуудаас төслийн баг сонгогдон ажилладаг.

Хамтран ажиллагч сэтгүүлүүд

Англи хэл:
№	Улс	Сэтгүүлийн нэр
1	Сингапур	Her World Brides Luxe
2	Сингапур	Her World Brides
3	Сингапур	The Finder Singapore
4	Сингапур	CLEO Singapore
5	Сингапур	Torque Singapore
6	Сингапур	Female Singapore
7	Сингапур	Harper's Bazaar Singapore
8	Сингапур	Her World Singapore
9	Сингапур	Home & Décor Singapore
10	Сингапур	HWM Singapore
11	Сингапур	The Singapore Women's Weekly
12	Сингапур	The PEAK Singapore
13	Малайз	Her World Cookbook
14	Малайз	Golf Vacations Malaysia
15	Малайз	CLEO Malaysia
16	Малайз	Cycling Plus Malaysia
17	Малайз	Her World Malaysia
18	Малайз	The Malaysia Women's Weekly
19	Малайз	Female Malaysia
20	Малайз	Harper's Bazaar Malaysia
21	Малайз	Home & Decor
22	Малайз	Marie Claire
23	Малайз	The PEAK Malaysia
24	Малайз	TopGear Malaysia
25	Энэтхэг	Harper's Bazaar Art
26	Хонг Конг	Action Asia
27	Хонг Конг	Asia Pacific Boating
28	Хонг Конг	Asia Spa
29	Сингапурын Медиа групп	Solitaire
30	Сингапурын Медиа групп	Jetgala
31	Сингапурын Медиа групп	Portfolio
32	Сингапурын Медиа групп	Golf Asia
33	Сингапурын Медиа групп	Epicure
34	MillionaireAsia Pte Ltd	MillionaireAsia

Малайз хэл:
№	Хэвлэл нийтлэгч	Сэтгүүлийн нэр
1	SPH	GLAM Deko
2	SPH	Cosmopolitan Malaysia
3	SPH	EH!
4	SPH	GLAM Lelaki
5	SPH	GLAM Malaysia
6	SPH	Jelita

Индонез хэл
№	Хэвлэн нийтлэгч	Сэтгүүлийн нэр
1	SPH	Harper's Bazaar Wedding Idea
2	SPH	Her World Brides
3	SPH	Casa Indonesia
4	SPH	Cosmopolitan Indonesia
5	SPH	Harper's Bazaar Indonesia
6	SPH	Her World Indonesia
7	SPH	Mother & Baby Indonesia

Хятад хэл
№	Хэвлэн нийтлэгч	Сэтгүүлийн нэр
1	SPH	ICON Singapore
2	SPH	Nuyou Singapore
3	SPH	优1周U Weekly
4	SPH	ICON Moments
5	SPH	ICON
6	SPH	Nuyou Malaysia
7	SPH	Jet Asia Pacific
8	SPH	Luxury Properties

Япон хэл:
№	Хэвлэн нийтлэгч	Сэтгүүлийн нэр
1	CondeNastJapan	GQ
2	CondeNastJapan	Vogue
3	HearstJapan	Men's club
4	HearstJapan	Bazaar
5	HearstJapan	Elle
6	HearstJapan	Fujingaho's
7	HearstJapan	Hearst Fujingaho's 25
8	Baseball Magazine Japan	Baseball Clinic
9	Baseball Magazine Japan	Weekly Pro Wrestling
10	Baseball Magazine Japan	Soccer Clinic
11	Baseball Magazine Japan	Running Magazine Courir
12	Baseball Magazine Japan	Swimming Magazine
13	Baseball Magazine Japan	Badminton Magazine
14	Baseball Magazine Japan	Kindai Judo
15	Baseball Magazine Japan	Sumo
16	Baseball Magazine Japan	Track & Field magazine
17	Baseball Magazine Japan	Boxing Magazine
18	Baseball Magazine Japan	Rugby Magazine

Орос хэл:
№	Сэтгүүлийн нэр
1	Цветы
2	Сноб
3	Дом и Интерьер

Монгол хэл:
№	Сэтгүүлийн нэр
1	Forbes
2	Forbes Woman
3	Asia Mining
4	Нийслэл Guide
5	Business.mn