RC-6

RC-6 (Rivest Cipher) нь өмнөх RC-5 дээр суурилсан нууцлалын блок шифр алгоритм (block encryption algorithm). Анх RC-6 алгоритмыг Америкийн Үндэсний стандарчлалын газраас 1997 онд зарлагдсан Advanced Encryption Standard (AES) уралдаанд зориулан RSA лабораторт 1998 онд зохиосон. Уг уралдааны сүүлийн шатанд шалгарсан 5 алгоритм (Rijndael, Mars, Serpent, Twofish, RC-6)-ын нэг юм. Хэдийгээр уралдаанд Rijndeal алгоритм ялж AES гэж нэрлэгдсэнээр стандарт болон гарсан ч RC-6 алгоритм нь энгийн шинж чанар, хурдан гүйцэтгэлээрээ өнөөг хүртэл хэрэглээтэй, тодорхой аюулгүй байдлыг хангасан хэвээр байна. Ерөнхий бүтэц, үйлдэл нь RC5-тай ойролцоо. RC6 нь 2 RC5 зэрэг ажиллаж байгаа юм шиг байх ба RC5-д хийгддэггүй зарим үйлдлүүд нэмэгдсэн. RC6 алгоритмийг Microsoft Office 2002, 2003 – файлын нууц үг хамгаалалт, мөн CryptoTools болон BestCrypt зэрэг нууцлалын програм хангамжуудад ашигладаг.

Блокын хэмжээ: 128 бит ( мэдээллийг 128 бит блок хэсгүүдэд хувааж ажилладаг гэсэн үг, энэ нь 32, 64 бит байж болно. Гэхдээ нийтийн хэрэглээнд 128 бит блок хэмжэээтэйгээр ажилладаг.) Түлхүүрийн хэмжээ: 128, 192, 256 бит (ерөнхийдөө, алгоритмын бүтцийн хувьд 2048 бит хүртэлх хэмжээтэй түлхүүрийг сонгох боломжтой байдлаар зохиогдсон.) Үеийн тоо: 20 үе. (Нэг блок буюу 128 бит мэдээллийг 20 үе (раунд) алхмаар шифрлэлт /encryption/ гүйцэтгэдэг.) Блок алгоритмуудын үйлдлийн нийтлэг горимуудыг /ECB, CBC, OFB, CFB, CTR, G-CTR/ хэрэглэдэг. CTR нь блок шифр алгоритмын аюулгүй горимуудын нэг юм. RC-6 алгоритмын хувьд CryptoTools болон Bestcrypt зэрэг шифрлэгч програм хангамжуудад CTR, XTS, LRW горимуудыг түлхүү ашигладаг.

Шифрлэлт хийх болон тайлах үйл явц

RC6

Шифрлэлт (Encryption): RC-6 нэг үеийн бүтэц. (20 үе ижил зарчмаар гүйцэтгэнэ)

// Оролт:   Шифрлэгдэх мэдээлэл нь 4 w-bit оролтын регистрүүдэд (A B C D) байршина
// 	r - үеийн тоо
// 	w-bit үеийн түлхүүрүүд S[0, ... , 2r + 3]
// 
// Гаралт: Шифрлэгдсэн мэдээлэл A, B, C, D регистрүүдэд хадгалагдна.
// 
// '''Шифрлэх үйл явц:'''

	B = B + S[0]
	D = D + S[1]
	for i = 1 to r do
	{
		t = (B*(2B + 1)) <<< lg w
		u = (D*(2D + 1)) <<< lg w
		A = ((A ⊕ t) <<< u) + S[2i]
		C = ((C ⊕ u) <<< t) + S[2i + 1] 
                (A, B, C, D)  =  (B, C, D, A)

	}
	A = A + S[2r + 2]
	C = C + S[2r + 3]

// '''Тайлах үйл явц:'''

	C = C - S[2r + 3]
	A = A - S[2r + 2]

	for i = r downto 1 do
	{
	   (A, B, C, D) = (D, A, B, C)
	    u = (D*(2D + 1)) <<< lg w
	    t = (B*(2B + 1)) <<< lg w
	    C = ((C - S[2i + 1]) >>> t) ⊕ u
	    A = ((A - S[2i]) >>> u) ⊕ t
	}
	D = D - S[1]
	B = B - S[0]

Гүйцэтгэл/Performance

CPU давтамж/үйлдэл [200Mhz процессор]________Үйлдэл/секунд [200Mhz]

	JAVA	Borland C	Assembly		JAVA	Borland C	Assembly
Түлхүүр үүсгэх	110000	2300	1108	Түлхүүр үүсгэх	1820	86956	180500
Шифрлэх	16200	616	254	Шифрлэх	12300	325000	787000
Тайлах	16500	566	254	Тайлах	12100	353000	788000

Хурд (Mbps)

	128bit	192bit	256bit
Шифрлэх	1.57	41.5	100.8
Тайлах	1.55	45.2	100.8

Аюулгүй байдал

Бүх боломжит түлхүүрийг хайх буюу /brute-force/ халдлагад /128, 192, 256 бит түлхүүртэй/ 2¹²⁸ – 2²⁵⁶ нарийвлал шаардагдах учраас өнөөгийн хэмжээнд боломжгүй гэж үздэг. Бусад нарийвчилсан довтолгооны хувьд үнэлгээг сонирхоё. 128 бит түлхүүрийн хувьд довтолгооны үзүүлэлт:

	Үеийн тоо
Халдлага	8	12	16	20	24
Дифференциал халдлага	2⁵⁶	2¹¹⁷	2¹⁹⁰	2²³⁸	2²⁹⁹
Шугаман халдлага	2⁴⁷	2⁸³	2¹¹⁹	2¹⁵⁵	2¹⁹¹

Эндээс харахад 20 үеээс дээш үе гүйцэтгэдэг, 128-аас их бит түлхүүрийн урттай RC-6 алгоритм нь өнөөгийн түвшинд аюулгүй гэж үзэж болно. Өнөөгийн байдлаар RC-6 алгоритмыг бүрэн тайлсан тохиолдол гараагүй байна, стандарт технологийн хувьд тайлах боломж одоогоор байхгүй ч хүчирхэг орнууд технологийн хүчээр 128 бит түлхүүртэй RC6 алгоритмыг тайлсан байхыг үгүйсгэх аргагүй юм.

RC6 vs AES

Advanced encryption standard уралдааны эцсийн шалгаруулалтад тухайн үзүүлэлтүүдэд 1-3 оноог өгч дүгнэсэн. Ялагч AES буюу Rijndael алгоритмтай харьцуулсан үнэлгээ.

	Ерөнхий үзүүлэлт	Хэрэгжүүлэхэд хялбар байдал	Программын гүйцэтгэл	Техникийн гүйцэтгэл	Smart-card үзүүлэлт	Дизайн
AES(Rijndael)	2	3	3	3	3	2
RC6	2	1	2	1	2	1