Эммануэль Макрон

Эммануэ́ль Жан-Мише́ль Фредери́к Макро́н (фр. Emmanuel Jean-Michel Frédéric Macron [ɛmaˈnɥɛl ʒɑ̃ miˈʃɛl fʁedeˈʁik maˈkʁɔ̃], 1977.12.21-нд Амьен, Сомма, О-де-Франс-т төрсөн). Францын улс төрийн зүтгэлтэн, 2017 оны 5 дугаар сарын 14-ний өдрөөс эхлэн Францын ерөнхийлөгч, Зэвсэгт хүчний ерөнхий командлагч.

Францын ерөнхийлөгч Э.Макрон

2014-2016 онуудад Эдийн засаг, аж үйлдвэр, цахим асуудлын сайд. "Бүгд Найрамдах Улс Урагшаа" улс төрийн намыг үүсгэгч анхны удидагч.

НамтарEdit

Пикардийн их сургуулийн мэдрэлийн эмгэг судлалын профессор Жан-Мишель Макрон (1950 онд төрсөн), эмч Франсуаза Макрон-Ногес нарын гэр бүлд төрсөн. Тэрээр Парисын X-Нантеррийн их сургууль, Улс төрийн судалгааны хүрээлэн, Үндэсний Удирдлагын сургуульд суралцаж төгссөн. 1999-2001 онд философич Пол Рикёрийн туслахаар ажилласан. Макрон 2004-2008 онд Эдийн засгийн яаманд байцаагчаар ажиллаж байгаад 2007 оноос хойш Жак Аттали-гаар ахлуулсан Францын өсөлтийг сайжруулах комиссын дэд илтгэгчээр ажилласан байна. "Rothschild & Cie Banque"-д хөрөнгө оруулалтын асуудал эрхэлж байсан бөгөөд "Санхүүгийн Моцарт" гэдэг хоч авч байжээ.

2012-2014 онд Ерөнхийлөгч Олландын үед Ерөнхий нарийн бичгийн даргын орлогчоор ажиллаж байсан. Тэрбээр 2014 оны 7 дугаар сарын 15-нд огцорч, мөн оны 8 дугаар сарын 26-нд Эдийн засгийн сайдаар томилогдсон.

СонгуульEdit

Макроны сонгуулийн хөтөлбөр зүүний үзэлтэй байсан (хөдөлмөрийн хөлсний доод хэмжээг нэмж, бага орлоготой ажилчдын цалинг нэмэгдүүлэх, эрүүл мэндийн албан журмын даатгалаар төлөх үйлчилгээний өргөтгөл, багш, цагдаа нарын тоог нэмэгдүүлэх, хөдөө аж ахуйд хөрөнгө оруулалт хийх) ба эрх зүйн талаар (хөдөлмөрийн зах зээлийг либералчлах, төрийн албан хаагчдын тэтгэврийн тэтгэмжийг халах, хамгийн чинээлэг иргэдийн татварыг бууруулах, төрийн албанд 120 мянган ажлын байрыг цуцлах, төсвийн алдагдлыг тогтмол бууруулах Европын холбооны шаардлага) гэх мэт. Хөтөлбөрт Батлан ​​хамгаалах бодлогын талаар чухал заалтуудын нэг бол 18-21 насны иргэдийн цэргийн албан хаах хугацааг 1-2 сар болгож бүх нийтийн цэрэг татлагад эргэн орох явдал байв.

Тэрээр хоёр дахь шатанд орж, 23.86% -ийн санал авч тэргүүлсэн. Түүнийг "Бүгд найрамдахчууд" намаас нэр дэвшигчид болон социалистууд Франсуа Фийон, Бенуа Амон нар дэмжиж байв. Ерөнхийлөгчийн сонгуулийн хоёрдугаар шатанд тэрээр хэт барууны удирдагч Марин Ле Пентэй өрсөлдөж, хоёр дахин илүүрхэж (66.1%, 33.9%) ялж Францын хамгийн залуу Ерөнхийлөгч болжээ. Ажиглагчдын үзэж байгаагаар Макроны ийм итгэлтэй ялалтыг сонгогчид Ле Пен ялсан тохиолдолд Францад заналхийлж байсан тогтворгүй байдлаас болгоомжилж байгаатай холбон тайлбарлаж байсан. 2017 оны 5 дугаар сарын 8-нд Макрон "Бүгд Найрамдах Улс урагшаа" намын даргын албан тушаалаас гарах шийдвэр гаргасан байна.

ЕрөнхийлөгчEdit

2017 оны 5 дугаар сарын 14-ний өдөр Эммануэль Макрон Бүгд Найрамдах Франц Улсын Ерөнхийлөгчийн албан тушаалд томилогдлоо, Бүгд Найрамдах Франц Улсын түүхэн дэх хамгийн залуу ерөнхийлөгч болов. Макрон 5 дугаар сарын 8-нд Ерөнхийлөгчийн сонгуульд ялалт байгуулсан тухай албан ёсоор мэдэгдсэний дараа тэрээр АНУ, Их Британи, Герман, Турк, Канадын удирдагчидтай утсаар ярьсан.

5 дугаар сарын 17-нд Ерөнхий сайд Эдуард Филиппээр ахлуулсан Францын шинэ засгийн газрыг танилцуулсан. Үүний зэрэгцээ Францын "Le Figaro" сонин Эммануэл Макроныг сонгуулийн амлалтыг зөрчсөн гэж буруутгажээ. Болзошгүй террорист халдлагаас Францын аюулгүй байдлыг бэхжүүлэх зорилгоор Макрон тусгай албаны удирдлагад өөрчлөлт оруулж эхэлжээ. Тэрээр "Терроризмтой тэмцэх үндэсний төв"-ийг байгуулжээ.

Макрон 2018 онд Форбс сэтгүүлээс гаргасан дэлхийн хамгийн нөлөө бүхий хүмүүсийн жагсаалтад багтсан. Тэрээр 12-р байр эзэлсэн бол түүний өмнөх Ерөнхийлөгч Франсуа Оллан 2016 онд уг чансааны 23-р байрыг эзэлж байсан юм.

Гэр бүлEdit

2007 онд тэрээр өөрийн франц хэлний багш асан Брижит Троннё-той (фр. Brigitte Trogneux ) гэрлэсэн бөгөөд түүнээс 24 насаар эгч ажээ. Тэрбээр өөрийн хүүхэдгүй, Брижитт өмнөх гэрлэлтээс гурван хүүхэд, долоон ач зээтэй.

Цахим холбоосEdit

  Commons: Emmanuel Macron – Викимедиа зураг, бичлэг, дууны сан