Чойн Дугаржав
Чойн Дугаржав 1939 онд Халхын голын байлдаан, 1945 оны чөлөөлөх дайнд морьт хороо командлан оролцож, Халхын голд 20 гаруй удаагийн тулалдаанд хороогоо чадамгай удирдаж, байлдааны үүргийг гарамгай биелүүлж “Эх оронч Дугаржав” алдрыг олон түмнээс хүлээсэн байна. 1942-1943 онд баруун өмнөд хил хязгаар Байтаг богдын орчмоор улсын хил нэвтрэн орж ирсэн дайсныг хөөж гаргахад хороо командлан байлдаж үүргээ биелүүлжээ. 1969 оны наймдугаар сарын 18-нд Монгол Улсын баатар цолоор шагнасан.
| Чойн Дугаржав | |
| Төрсөн он | 1912 он |
|---|---|
| Төрсөн газар | одоогийнхоор Монгол улс |
| Яс үндэс | монгол үндэстэн |
| Улс орон |  Монгол (БНМАУ) |
| Өнгөрсөн он | 1985 он (73 насалсан) |
| Ажил үйл | цэргийн зүтгэлтэн |
Намтар
засварлах1931-1951 онд Монголын ардын армид байлдагч, тасаг, салааны дарга, суман, хорооны дарга, дивизийн жагсаал ангийн дарга, 1951-1972 онд Сүхбаатар аймгийн Онгон суманд ахлах ухуулагч, намын хэсгийн зохион байгуулагч, нэгдлийн бригад, сумын худалдаа бэлтгэлийн ангийн дарга, сургуулийн дотуур байрны хүмүүжүүлэгч зэрэг ажлыг хийгээд насны тэтгэвэрт гарчээ. 1939 онд Халхын голын байлдаан, 1945 оны чөлөөлөх дайнд морьт хороо командлан оролцожээ. 1942-1943 онд баруун өмнөд хил хязгаар Байтаг богдын орчмоор улсын хил нэвтрэн орж ирсэн дайсныг хөөж гаргахад хороо командлан байлдаж үүргээ сайн биелүүлжээ. МАХН-ын XVI их хуралд төлөөлөгчөөр оролцжээ.
Гавьяа Шагнал
засварлахСүхбаатарын одон, Цэргийн гавьяаны улаан тугийн одонгоор хоёр удаа, “Алтан гадас” одон, медалиуд, ЗХУ-ын /хуучин нэрээр/ Октябрийн хувьсгалын одон, Улаан таван хошуу одонгоор шагнагджээ.