Хишгээгийн Нямбаатар

Хишгээгийн Нямбаатар (1978 онд Улаанбаатар хотод төрсөн) Монгол Улсын улс төрийн зүтгэлтэн. Хууль зүй, дотоод хэргийн сайд асан, Улаанбаатар хотын засаг дарга.

Намтар

Эцэг Хишгээ жолооч, эх нь нягтлан бодогч мэргэжилтэй. Нямбаатар 1996 онд Нийслэлийн 48 дугаар дунд сургууль төгссөн.

1996-2000 онд Орхон их сургууль, эрх зүйч /Бакалавр/-ээр сурч төгссөн. 2002 онд Орхон их сургууль, Боловсрол судлалын магистр болсон.

2008 онд Цагдаагийн академи, /Хууль сахиулахын Их сургууль/ Хууль зүйн ухааны магистр цол хүртсэн.

2012 онд Удирдлагын Академи, Төрийн удирдлагын докторант.

2017 оноос Хууль сахиулахын Их сургууль, Хууль зүйн ухааны докторант.

Ажилласан байдал

2000-2007 онд Орхон их сургуульд багш,

2005-2009 онд Монголын өмгөөлөгчдийн холбоонд өмгөөлөгч,

2009 онд Улаанбаатар хотын Сонгинохайрхан дүүргийн хуулийн зөвлөх,

2009-2012 онд Нийслэлийн Сонгинохайрхан дүүргийн Төрийн захиргаа, удирдлагын хэлтсийн дарга,

2012-2016 онд Сонгинохайрхан дүүргийн Иргэдийн төлөөлөгчдийн тэргүүлэгчдийн хурлын дарга,

2016-2020 онд Монгол Улсын Их Хурлын гишүүн,

2019-2020 онд Монгол Улсын Их Хурлын Хууль зүйн байнгын хорооны дарга,

2020-2023 онд Монгол Улсын Их Хурлын гишүүн (УИХ-ын 76-р тойрог),

2020-2023 онд Монгол Улсын Засгийн газрын гишүүн, Хууль зүй, дотоод хэргийн сайд.

2023 оны 10-р сарын 4-ний өдрийн Засгийн газрын өнөөдрийн хуралдаанаар Ерөнхий сайд Л.Оюун-Эрдэнийн зүгээс УИХ-ын гишүүн, ХЗДХ-ийн сайд Х.Нямбаатарыг Улаанбаатар хотын даргаар ажиллуулах санал дэвшүүлсэн байна.

2023 оны 10-р сарын 13-нд Нийслэлийн Засаг дарга бөгөөд Улаанбаатар хотын захирагчийн албан тушаалд очсон.

2021 оны 9-р сарын 5-ны өдөр Монголын боксын холбооны бага хурал хуралдаж түүнийг Холбооны Ерөнхийлөгчөөр томилсон байна.

Гэр бүл

Эхнэр Ишбалдангийн Баярмаа, 3 хүүхэдтэй.