Чэнду чөлгөө
Чэнду чөлгөө (хятадаар:成都路; пиньинь:Chéngdū lù) бол Юань Улсын Сычуань төлөөний мужийн нэгэн чөлгөө юм. Хубилай хааны үед Сүн улсын харьяаны Чэнду фуг эзлээд Чэнду лу буюу чөлгөө болгон өөрчлөн байгуулсан. Тус чөлгөөний төв нь Чэнду сянь, Хуаян сяньд байсан. Хубилай хааны эхэн үед Сычуанийг Шаньсигийн төлөөний мужтай нэгтгэж байсан ч, 1286 онд Сычуань зэрэг газрын син жун шу шэнийг байгуулж, бие даасан субьект болгов. 1371 онд Мин улс, Сычуанийг эзлэн авсны дараа Чэнду чөлгөөг Чэнду фу болгон өөрчлөв.
Бүтэц засварлах
Чэнду чөлгөө нь нийтдээ 7 жөү, 18 сяниас бүрдэж байжээ.
- Пөнжөү: Мөнян сянь, Чуннин сянь
- Ханьжөү: Шөнфан сянь, Дөян сянь, Мяньжү сянь
- Аньжөү: Шичуань сянь
- Гуаньжөү
- Чунцинжөү: Жиньюань сянь, Синьжин сянь
- Вэйжөү: Тонхуа сянь
- Жяньжөү
Эдгээр долоон жөүгээс гадна шууд захирагдах 9 сяньтай байсан.