Сонирхогчийн радио холбооны оператор
Сонирхогчийн радио холбооны оператор гэдэг нь өөр хоорондоо холбооны төхөөрөмжүүд ашиглан хуваарилагдсан долгион дээр хоёр талын холбоо тогтоодог хүмүүс юм. Сонирхогчийн радио холбооны операторууд нь эрх бүхий байгууллагаас сонирхогчийн радио станц ашиглах эрхийн бичиг авдаг. Уг эрхийн бичгийг үндэслэн дуудлага олгодог ба энэ нь тухайн хүнийг холбоо барих үед таних нэр болдог. Сонирхогчийн радио операторуудыг богино долгионч гэж мөн нэрлэдэг. Богино долгиончид морз, телефон болон дижиталын төрлүүдийг ашиглан уралдаан тэмцээн болон ердийн холбоо барьдаг ба уг барьсан холбоогоо баталгаажуулж QSL card солилцдог. Энэ картуудыг нь үндэслэн олон улсын янз бүрийн орны диплом олгодог байна. Сонирхогчийн радио холбооны оператор байхад нас, хүйсний хязгаар байхгүй ба энэ нь нэг төрлийн хобби юм. 2011 оны байдлаар дэлхийн хэижээнд 3 сая орчим сонирхогчийн радио холбооны операторууд байдаг бол Монголд дээрх зөвшөөрлүүдийг авсан 20 иргэн байдаг. Сонирхогчийн радио холбооны операторуудын дийлэнх хувь нь эрэгтэйчүүд байдаг ба морз ашиглан холбоо тогтоохдоо телеграфын кодын дагуу OM (Old man), гэрлээгүй эмэгтэйчүүд YL (Young lady), нөхөртэй эмэгтэйчүүд XYL гэж тодотгол хэрэглэдэг.
