Миэ
Миэ аймаг нь умраас өмнө рүү 170 км, дорноос өрнө тийш 80 км үргэлжилсэн, газар орны байдлын хувьд уул, тал, хөндий, элсэн эрэг бүхий далай тэнгисийн эрэг хосломол нутагтай.
Газар зүй засварлах
Нутаг дэвсгэрийн хэмжээгээр 5.776.56 га агаад аймгууд дотроо 25-д ордог, Хоншюү арлын төв дунд хэсгийн ихээхэн тохиромжтой байрлалтай. Тоокёогоос 2,5, Кёотогоос 2, Оосака, Нарагаас 1 цаг явж хүрдэг. Миэ аймаг хэдэн мянганы тэртээгээс “Умашикү күни” буюу гоо сайхны эх орон гэдгээрээ алдаршсан нь гагцхүү байгалийн үзэсгэлэнтэй нь төдийгүй зартай сайхан хоол хүнстэй нь холбоотой ажээ.
Түүх засварлах
Энд хүмүүс анх 10 мянган жилийн тэртээ суурьшсан ба VII зууны эцсээр, Кофүны үеийн дараа энд эзэн хаан Саикүгийн ордонг барьж босгосон нь одоогийн Мэива хот болно. Эдогийн үед өдгөөгийн мужийн нутаг дэвсгэрийг феодалын хэд хэдэн эзэмшилд хуваасан агаад Күваны болон Аноцү боомтыг барьсан, тээврийн гол судас нь Тоокайдо болон Исэг зорих мөргөлчдийн зам тус мужаар дамждаг.
Эдийн засаг засварлах
Аймгийн үйлдвэрлэлийн үндсэн хүчин зүйл нь ой мод, усан онгоц, хөдөө аж ахуй, загас агнуурын аж үйлдвэр юм. Миэ нь Япон даяар Исэ хавч, Мацүсүкагийн үхрийн мах, Овасэ агаруугаараа зартайн дээр сувдаараа бол Японоор тогтохгүй гадаад ертөнцөд хамгийн их алдаршсан. Тус мужид жил бүр асар олон жуулчид Япон даяараас болон улс орнуудаас ирдэг, үзэх ч юмтайн эн тэргүүнд байгалийн цогцолборууд орно. Миэ дэх үндэстний хэмжээний 2, мужийн 5 парк нийт нутаг дэвсгэрийн 1\3-г эзэлдэг. Дараа нь түүх соёлын дурсгалууд орно. Энд Шинто шашны гол шүтээн болох дэлхийд алдартай Исэ сүм, нинжягаараа зартай Ига нутаг, шумбагч хүүхнүүд Ама, Микимото арал дээрх сувдны ферм, Үзно цайз гээд олон газрыг үзэж харах боломжтой. Тус дүүрэг дурсгалт газруудаасаа гадна алдар цуутай хүмүүсээрээ нэрд гарсан агаад хайкү шүлгээрээ алдаршсан найрагч Мацүо Башё, mitsui corp-н үндэслэгч Такатоши Мицүи, Хокайдо арлын нэрийг нь өгсөн алдартай аялагч Такэши Мацүүра, сувдны фермыг үндэслэгч Кокичи Микимото гээд олон алдарнууд чухам энд төржээ.
Аймгийн сүлд тэмдгэн дээр Хирагана цагаан толгойн “ми” үеийг урнаар угалзлуулан дүрсэлсэн нь мужийн нэрний эхний үе болно. Сум хэлбэрийн гурвалжин нь хөгжил дэвшлийг, дугуй хэсэг нь алдарт сувдны үйлдвэрлэлийг бэлгэднэ.
Цахим холбоос засварлах
Commons: Миэ аймаг – Викимедиа зураг, бичлэг, дууны сан