Жүгдэрдэмидийн Гүррагчаа
Жүгдэрдэмидийн Гүррагчаа (1947 оны 12 сарын 5-нд Булган аймгийн , Гурванбулаг сум) нь Монгол улсаас сансарт ниссэн цорын ганц, дэлхийн 101 дэх, Азийн хоёр дахь сансрын нисгэгч бөгөөд нислэгийн инженер, хошууч генерал хүн юм.
| Жүгдэрдэмидийн Гүррагчаа | |
|---|---|
| |
| Улс: |  Бүгд Найрамдах Монгол Ард Улс
|
| Сонгогдсон огноо: | 1978 оны 3 сарын 1 |
| Сансрын нислэгийн тоо: |
1 нислэг |
| Эхний нислэг: | 1981 оны 3 сарын 22 |
| Сүүлчийн нислэг: | 1981 оны 3 сарын 30 |
| Нийт хугацаа: | 7 хоног 20 цаг 42 минут 3 секунд |
| Ажлаа өгсөн: | 1981 оны 3 сарын 30 |
| Сансрын нислэгүүд | |
| |
Жүгдэрдэмидийн Гүррагчаа ᠵᠦᠭᠳᠡᠷᠳᠡᠮᠡᠳ ᠦᠨ ᠭᠦᠷᠦᠷᠠᠭᠴᠠ | |
|---|---|
 Монгол Улсын Батлан Хамгаалах Яамны Сайд | |
| Албан тушаал хашсан 2000–2004 | |
| Ерөнхий Сайд | Намбарын Энхбаяр |
| Улсын Их Хурлын гишүүн | |
| Албан тушаал хашсан 2004–2008 | |
| Ерөнхийлөгч | Нацагийн Багабанди Намбарын Энхбаяр |
| Ерөнхий Сайд | Цахиагийн Элбэгдорж Миеэгомбын Энхболд Санжийн Баяр |
| Хувийн мэдээлэл | |
| Төрсөн | 1947 оны 12 сарын 15 Монгол Улс, Булган аймаг |
| Алма матер | ЗХУ-ын Г.К.Жуковын нэрэмжит Агаарын цэргийн академи |
| Profession | Нисэхийн Инженер |
| Шагнал |     |
| Military service | |
| Allegiance | Монгол |
| Branch/service |  Монголын Ардын арми |
| Years of service | 1966- |
| Rank |  Хошууч Генерал |
Гүррагчаа 1947 онд Булган аймгийн Гурванбулаг суманд Жүгдэрдэмидийн том хүү болон төржээ.
Сансарт ниссэн нь
Ж.Гүррагчаа 1966 онд цэргийн албанд татагдаж, 1971 онд Зөвлөлт Холбоот Улсын Фрунзе хотын нисэхийн дамжаанд нисэх онгоцны радиоэлектрон төхөөрөмжийн 8796 механикч мэргэжилтэй болж, 1973 онд Москва хотод Жуковскийн нэрэмжит Агаарын цэргийн академид суралцан төгсчээ. 1978 оноос тэрээр ЗХУ-д Юрий Гагарины нэрэмжит Сансрын нисгэгчдийг бэлтгэх Сургалтын төвд М.Ганзоригийн хамтаар бэлтгэгдэж эхэлсэн байна. Энэ үед тэрээр ардын армийн ахмад цолтой байв.
1981 оны 3 сарын 22-нд Байконурын сансрын буудлаас ЗХУ-ын сансрын нисгэгч Владимир Жанибековын хамт Союз-39 хөлгөөр сансарт хөөрч Салют-6 сансрын станцтай холбогджээ. В.Жанибеков, Ж.Гүррагчаа нар сансарт 7 хоног, 20 цаг 42 минутыг өнгөрүүлж, дэлхийг 124 удаа тойрсоны дараа эх дэлхийдээ амжилттай газардсан юм.
-
Монголын анхны сансрын нисэгчийн хувцас, Монголын үндэсний түүхийн музей
Улс төрд
Тэрээр 2000 - 2004 онд Н.Энхбаярын толгойлсон засгийн газарт Батлан хамгаалахын сайдаар ажиллаж байгаад 2004 онд УИХ-ын сонгуулийн 59-р тойрогт нэр дэвшин өрсөлдөж сонгогдоод УИХ-ын гишүүнээр ажиллаж байв.
Шагнал
-
Монгол Улсын баатар -
Зөвлөлт Холбоот Улсын баатар -
Александр Невскийн одон, 2021 он -
Сүхбаатарын одон -
-
Гадаадын: Лениний одон (Зөвлөлт Холбоот Улс)
.jpg)
Тэрээр сансарт ниссэнийхээ дараа Зөвлөлт Холбоот Улсын баатар, Бүгд Найрамдах Монгол Ард Улсын баатар цолоор шагнагдаж байжээ. Тэрбээр Монгол хүн сансарт ниссэн 40 жилийн ойн баярын өдөр Монгол Улсын төрийн дээд шагнал болох Чингис хаан одонгоор шагнуулжээ.[1]
Эшлэл
- ↑ dnn.mn: Монгол Улсын Баатар, сансрын нисгэгч Ж. Гүррагчааг төрийн тэргүүн зэргийн одон Чингис хаан одонгоор шагналаа. (Memento 22. Гуравдугаар сар 2021 цахим архивт), нийтлэгдсэн 2021 оны гуравдугаар сарын 22, хандсан 2021 оны гуравдугаар сарын 22