Дэмчигийн Моломжамц

Дэмчигийн Моломжамц (1920 - 2006 оны 8 сарын 14) нь Монгол Улсын гавьяат эдийн засагч, төрийн зүтгэлтэн юм.

Тэрээр Дундговь аймгийн Баянжаргалан суманд 1920 онд төрсөн. Багадаа сүмд шавилан сууж байжээ.

1938-1940 онд Санхүүгийн техникумд, 1940-1946 онд Эрхүү хотын Санхүү эдийн засгийн дээд сургуульд суралцаж төгссөн.

• 1946-1948 онд Сангийн Яаманд орлогч сайд
• 1948-1957 онд Сангийн Яамны сайд
• 1958-1964 онд Сайд нарын Зөвлөлийн орлогч дарга, нэгдүгээр орлогч дарга, Улсын Төлөвлөгөөний Комиссын дарга
• 1964-1990 онд МАХН-ын Төв Хорооны эдийн засаг санхүүгийн асуудлыг хариуцсан нарийн бичгийн даргаар тус тус ажиллаж байв.

БНМАУ-ын Ардын Их Хурлын депутатаар 9 удаа сонгогдож байсан.