Данин чөлгөө (хятадаар:大寧路, пиньинь:Dà níng lù) бол Юань улсын Ляоян син шэний баруун хэсэгт байсан засаг захиргааны нэгж юм. Жи Юаний 7-р онд (1270 он) Алтан улсын үеийн Бэйжин чөлгөөний нэрийг сольж Данин чөлгөө болгосон. Төв нь Данин сянь. Одоогийн Өвөр Монголын Лууха голын баруун хэсэг, Найман хошууны өмнөд хэсэг, Ляонин мужийн Ивулу уул, Далин голын баруун хэсэг, Хэбэй мужийн Луань голын зүүн хэсэг, Цагаан хэрмийн хойд хэсгийн газар нутгийг хамарч байв. 1380 онд Мин улсад эзлэгдэж, Данин фу гэх болсон. 1387 онд Урианхайн Нагачу ноёны захирсан түмтийг эзлэсний дараа Монгол цэргийн довтолгооноос сэргийлэхийн тулд Данин харуул болгож өөрчлөн, 1403 онд Данин харуулыг татан буулгав.

Дотоод бүтэц засварлах

Дараах 7 сянь буюу хошуутай байсан. Үүнд:

  1. Гаожөү 高州
  2. Чуаньжөү 川州
  3. Ижөү 义州
  4. Жиньжөү 锦州
  5. Хуэйжөү 惠州
  6. Рүйжөү 瑞州
  7. Синжунжөү 兴中州 нар болно.

Холбоотой мэдээлэл засварлах