Банзарын Дамчаа

Банзарын Дамчаа (1932 - 2009 оны 6 сарын 24) нь Монгол улсын ардын жүжигчин цолтой кино жүжигчин, кино найруулагч, дуу оруулагч, дуучин юм.

Намтар

Б.Дамчаа 1932 онд Ховд аймгийн Алтай Урианхайн хязгаар (одоогийн Баян-Өлгий аймгийн Буянт сум)-т төржээ. Сумандаа дунд сургууль дүүргээд Санхүүгийн техникум, төмөр замын машинистийн курс төгссөн байна. Ажлын гараагаа Баян-Өлгий аймгийн 1-р 10 жилийн сургуульд нягтлан бодогчоос эхэлж, 1954-1959 онд Улаанбаатар Төмөр замд машинист, 1959-1968 онд Төмөр замчдын соёлын ордонд жүжигчин, дууны багш, 1968-1990 онд Монгол Кино Үйлдвэрт жүжигчин, найруулагч, 1990-1994 онд кино урлагийн Бэрс дээд сургууль, 1998-1999 онд Кино урлагийн дээд сургуульд багшаар тус тус ажиллаж байв.

Түүнийг 2007 оны 11 сарын 26-нд Монгол улсын ардын жүжигчин цолоор шагнажээ. Тэрээр 400 гаруй кинонд дуу оруулсан байна.

Бүтээлүүд

Киноны дүрүүд

• Үер - Молом занги (1966)
• Өглөө - Луузан (1968)
• Хүргэн хүү - Хайдав (1970)
• Дайсны цэргүүд ээ сонсоцгоо - хурандаа Накаяма (1971)
• Ичээнд нь - Тянь Жань (1972)
• Хөдөөгийн баясгалан - Рагчаа (1974)
• Газрын жигүүр (1978)
• Хатанбаатар - Жав (1981)
• Сахиул уу, сахиус уу - үсчин (1983)
• Зарлаагүй дайны оршил - Ясуко (1984)
• Нарны унага - Чүлтэм (1984)
• Би чамд хайртай - Жигмэд (1985)
• Мандухай сэцэн хатан - Исмэл сайд (1988)
• Төөрсөөр төрөлдөө - хятад худалдаачин
• Ацаг шүдний зөрүү - Банзрагч
• Хааны сүүлчийн хатан - Найдансүрэн хутагт

Найруулсан кинонууд

• Сэрүүн дуганы мөхөл (1989)

Дуу

• Цэнгэлтэй үдэш
• Дайсны цэргүүд ээ сонсоцгоо киноны дуу
• Эх орон (Хурд хамтлагтай хамт)