Милош Обилич: Засвар хоорондын ялгаа

'''Милош Обилич''' буюу '''Кобилич''' ([[Серб хэл]]:''Милош Обилић'') нь Зета муж буюу өнөөгийн [[Монтенегро]]гоос гаралтай хөлөг баатар бөгөөд [[Сербийн эзэнт улс]], [[Турк]]ийн [[Оттоманы эзэнт улс]]тай хийсэн Косовогийн тулаанд Султан Мурад I-ийг хөнөөснөөрөө ихэд алдаршсан хүн юм.

Тэрээр Зетагийн Балшичийн ордны захирагч Джурадж II Страцимировичийн хөлөг баатар байсан гэх бөгөөд Косовогийн тулаанд оролцсноос өөрөөр түүний талаарх мэдээлэл тун ховор байдаг.

 

== Косовогийн тулаан ==

Грегорианы тооллын 1389 оны 6 сарын 28-нд (Юлийн тооллын 6 сарын 15) алдарт Косовогийн тулаан болжээ.

Царь Стефан Лазараар удирдуулсан [[Серб]]ийн холбооны 3 орчим түмэн цэрэгтэй байсан бол [[Турк]]уудын султан [[Мурад I]]-ээр удирдуулсан 4 түмэн цэрэгтэй хүрэлцэн ирцгээжээ. Тулааныг Туркын харваачид Сербийн хүнд морин анги руу суман мөндөр буулгаснаар эхлүүлсэн байна. Сербийн хөлөг баатрууд V хэлбэрийн жагсаал үүсгэн довтолж, дайсныхаа зүүн жигүүр Якуб Келебийн ангийг бут ниргэсэн ч Мурадын хүү ирээдүйн султан [[Нэгдүгээр Баязид|Баезид I]]-ийн удирдсан төв болон баруун жигүүрт амжилт олсонгүй. Туркууд хөлөг баатруудын дайралтыг няцаамагцаа сөрөг довтолгооныг эхлүүлэв. Энэ довтолгоо нь Сербийн армийг бут ниргэж, [[Балкан]]д Туркийн ноёрхол тогтож байгааг тунхагласан байна. Туркуудын байлдааны зэвсэглэл Сербүүдээс давуу байдалтай байсан нь энэ тулааны үр дүнг шууд тодохойлсон бөгөөд маш хүчтэй, хурдтай, амжилттай сөрөг довтолгооныг удирдсан [[Нэгдүгээр Баязид|Баезид султан]] '''“Аянга”''' нэрийг авчээ.