"Миний Нутаг"-ны өөр хувилбарууд

no edit summary
Монголын сайхан орон
 
Хэрлэн, Онон, Туулын тунгалаг ариун мөрнүүд<br>
Хотол олны эм болсон горхи, булаг рашаанууд<br>
Хөвсгөл, Увс, Буйрын гүн цэнхэр нуурууд<br>
Хүн малын ундаа болсон тойрон бүрд уснууд<br>
 
Энэ бол миний төрсөн нутаг
Монголын сайхан орон
 
Орхон, Сэлэнгэ, Хөхүйн онц сайхан голнууд<br>
Уурхай баялагийн охь болсон олон уул даваанууд<br>
Хуучин хөшөө дурсгал, хот балгадын сууринууд<br>
Хол газар одсон харгуй дардан замууд<br>
 
Энэ бол миний төрсөн нутаг
Монголын сайхан орон
 
Холхи газраас гялалзсан цаст өндөр хайрханууд<br>
Хөх тэнгэр цэлмэсэн хөдөө хээр цайдамууд<br>
Холын бараа харагдсан ноён шовх сарьдагууд<br>
Хүний сэтгэл тэнийсэн уудам амьсгалт талууд<br>
 
Энэ бол миний төрсөн нутаг
Монголын сайхан орон
 
Хангай,Говийн хооронд Халхын уудам нутаг<br>
Хар бага наснаас хөндлөн гулд давхисан газар<br>
Гөрөөс, араатан авласан урт урт шилнүүд<br>
Хүлэг морьд уралдсан хөндий сайхан хоолойнууд<br>
 
Энэ бол миний төрсөн нутаг
Монголын сайхан орон
 
Салхины үзүүрт найгасан соргог нарийн ногоотой<br>
Саруулд талд яралзсан сонин янзын зэргэлээтэй<br>
Сайн эрс цугласан байц бэрх газартай<br>
Сүлд тахилга улирсан сүмбэр их овоотой<br>
 
Энэ бол миний төрсөн нутаг
Монголын сайхан орон
 
Нарийн өвс ургасан малын сайхан бэлчээртэй<br>
Нааш цааш сүлжих тэнэгэр сайхан нутагтай<br>
Дөрвөн цагийн улиралд дураараа нүүх нутагтай<br>
Таван зүйлийн тарианы хөрс шороот газартай<br>
 
Энэ бол миний төрсөн нутаг
Монголын сайхан орон
 
Өлгий сайхан ууланд өвгөдийг тавьсан газар<br>
Yр, ач, хүүхдийн үржиж өссөн газар<br>
Таван хошуу мал тал дүүрэн бэлчсэн нутаг<br>
Монгол хүн бидний сэтгэлийг сорсон орон<br>
 
Энэ бол миний төрсөн нутаг
Монголын сайхан орон
Өвлийн тасхийм цагт цасан мөсөн бүрхээд<br>
Болор шилийн өнгө гялтганаж, гялалзсан орон<br>
Зуны найртай улиралд цэцэг, навч дэлгэрээд<br>
Жигүүртэн шувуу холоос ирж гангар гунгар донгодсон орон<br>
 
Энэ бол миний төрсөн нутаг
Монголын сайхан орон
 
Алтай, Хянган хоёрын завсарт атар баялаг орон<br>
Аав, ээжийн минь оршсон ашдын заяасан нутаг<br>
Алтан нарны туяанд энхжин тогтсон орон<br>
Мөнгөн сарны гэрэлд мөнхжин гялалзсан газар<br>
 
Энэ бол миний төрсөн нутаг
Монголын сайхан орон
 
Хүннү, Сүннүгийн үеэс хөгшид өвгөдийн нутаг<br>
Хөх Монголын цагт хүчирхэг болсон орон<br>
Он онд идээшиж олон жилд дассан нутаг<br>
Одоогийн шинэ Монголын улаан туг бүрхсэн нутаг<br>
 
Энэ бол миний төрсөн нутаг
Монголын сайхан орон
 
Өссөн төрсөн бидний үндэсний хайртай нутаг<br>
Өнгөлзөгч дайсан ирвэл үтэр өшиглөн хөөнө<br>
Хувьтан энэ орондоо хувьсгалт улсаа мандуулж<br>
Хойчийн шинэ ертөнц дээр хүндтэй гавьяаг байгуулъя<br>
 
Энэ бол миний төрсөн нутаг
1,656

edits