Дашийн Балдандорж: Засвар хоорондын ялгаа

Content deleted Content added
Хуудас үүсгэв: "'''Дашийн Балдандорж''' нь Дотоодыг хамгаалах газар буюу өнөөгийн тагнуулын байгууллагын ..."
(Өөрчлөлт алга)

11:33, 1 Арванхоёрдугаар сар 2013-ий байдлаарх засвар

Дашийн Балдандорж нь Дотоодыг хамгаалах газар буюу өнөөгийн тагнуулын байгууллагын анхны дарга бөгөөд Жа лам Дамбийжанцанг устгах үйл ажиллагааг биечилэн удирдсан хүн юм.

Намтар

Д.Балдандорж нь 1894 онд Төв аймгийн Батсүмбэр сумын нутагт төрсөн, 1921 онд Ардын журамт цэрэгт элсэн орж, Хиагт болон Нийслэл Хүрээг чөлөөлөх, зүүн хязгаарыг тохинуулах байлдаануудад оролцсон ба Цэргийн Яаманд хариуцлагатай алба хашиж байсан Ардын хувьсгалын партизан юм. Тэрээр 1921-1922 онд нэгдүгээр морин бригадад хорооны дарга, Хувьсгалт залуучуудын эвлэлийн Төв Хорооны дарга, 1922-1923 онд Дотоодыг хамгаалах газрын анхны даргаар томилогдон ажиллаж байв.

Д.Балдандорж нь 1922 оны 5-р сараас Дотоодыг Хамгаалах Газрыг байгуулах бэлтгэл товчоог толгойлж, тус байгууллагын дүрэм, бүтэц зохион байгуулалт, орон тоо, төсвийг боловсруулсан бөгөөд Улсыг аюулаас хамгаалах байгууллагыг эмхлэн байгуулж, үйл ажиллагааг бэхжүүлэх, анхны ажилтнуудаа сургаж дадлагажуулах ажлыг зохион байгуулахын зэрэгцээ Монголын баруун хязгаарыг таслан авч, зүүн гарын Монгол улсыг байгуулах оролдлого хийж байсан Дамбийжанцанг устгах цэрэг-тагнуулын ажиллагааг өөрийн биеэр удирджээ.

Түүнийг 1923 оны 4-р сард Засгийн газрын тогтоолоор Цэргийн зөвлөлийн нарийн бичгийн даргаар томилон ажиллуулж, энэ хугацаанд Өвөр Монголын зарим аймгуудад 4 сар гаруй хугацаагаар явж тусгай үүрэг гүйцэтгэсэн байна.

Тэрээр 1925 оноос БНМАУ-аас ЗХУ-д суугаа Элчин сайдын яаманд нарийн бичгийн дарга, Аж Ахуйн Яаманд эрхэлсэн түшмэл, Мах комбинатын дарга, хоршооны шалган байцаагч зэрэг ажил эрхэлж байгаад 1929 онд “Баруунтан” хэмээн намаас хөөгдөж, 1933 оноос Улаанбаатар хотын Хоршооны орлогч даргаар ажиллаж байхад нь 1937 онд улс төрийн хилс хэрэгт холбогдуулан баривчилж, цаазалсан байна. 1967 онд цагаатгагджээ.