Өмнөд Чүнчон: Засвар хоорондын ялгаа
Хуудас үүсгэв: "thumb|200px|Ногоон нь Өмнөд Чүнчон аймаг Өмнөд Солонгосын нэгдүгээр түвш..." |
(Өөрчлөлт алга)
|
07:27, 23 Есдүгээр сар 2012-ий байдлаарх засвар
Өмнөд Солонгосын нэгдүгээр түвшний 17 нэгж, одоогийн 8 аймгийн нэг нь Өмнөд Чүнчон (Өмнөд Чунчон; Чүнчоннам-ду; сол. 충청남도, 忠清南道 Chungcheongnam-do; Англи: South Chungcheong Province; Орос: Чхунчхон-Намдо) юм. 1896 онд Чүнчон аймгийг хоёр хувааснаар тус аймаг үүсэв. Эхлээд бүхэл Солонгосын аймаг байсан бол 1945 онд Солонгос хоёр хуваагдсанаар БНСУ-ынх болжээ. Өөрт нь харьяалагддаггүй, засаг захиргааны адил түвшний нэгж болох Тэжон хотод тус аймгийн засгийн газар байрладаг. Чүнчоннамдугийн 8,628 км² газарт 2010 оны байдлаар 2,028,002 хүн аж төрөн сууж байна.
Өмнөд Чүнчон аймаг засаг захиргааны эрх үүрэггүй нутаг — Хусо мужид багтдаг. Баруун талаараа Шар тэнгист тулж, Кёнги, Умард Чүнчон, Өмнөд Чолла гэх 3 аймаг, Тэжон, Сэчун хэмээх 2 хот буюу аймгийн зэргийн бүгд 5 нутагтай хаяа залгадаг. Эндхийн хүн ард бусад аймгийнхаас арай баян байдаг нь 2010 оны нэг хүнд ноогдох ДНБ—$47,516-аар ч илэрнэ. Өмнөд Чүнчоны Йонги хошуу гэж байсныг 2007 оноос засаг захиргааны хувьд зэрэг ахиулж онцлон өөртөө засах Сэчун хот болгон өөрчлөн байгуулжээ. Цаашид БНСУ-ын нийслэл Сөүлээс энэ хотод нүүн ирэх төлөвтэй.
Засаг захиргааны хуваарь
Өмнөд Чүнчон одоогоор 8 хот (시 - ши), 7 хошуу (군 - gun, монголоор күнэ, үгийн хойно орвол гүнэ гэж хэлэгдэнэ; Англи: county; Орос: уезд), бүгд 15 нутаг болон хуваагдаж байгаа.
Газрын зураг | # | Нэр (өөр хувилбар) | солонгос | англи | орос | Хүн ам (2010) |
---|---|---|---|---|---|---|
— хот — (солонгосоор 시 - ши) | ||||||
1 | Чонжү | 전주시 | Jeonju | Чонджу | 649,728 | |
2 | Иксан | 익산시 | Iksan | Иксан | 296,366 | |
3 | Күнсан | 군산시 | Gunsan | Кунсан | 260,546 | |
4 | Чонөб | 정읍시 | Jeongeup | Чонып | 110,352 | |
5 | Кимже | 김제시 | Gimje | Кимдже | 78,679 | |
6 | Намвон | 남원시 | Namwon | Намвон | 78,770 | |
— хошуу — (солонгосоор 군 - күнь, гүнь) | ||||||
7 | Ванжү | 완주군 | Wanju | Ванджу | 83,408 | |
8 | Кучан | 고창군 | Gochang | Кочхан | 53,333 | |
9 | Пуан | 부안군 | Buan | Пуан | 50,814 | |
10 | Сүнчан | 순창군 | Sunchang | Сунчхан | 25,241 | |
11 | Имсил (Имшил) | 임실군 | Imsil | Имсиль | 23,663 | |
12 | Мүжү | 무주군 | Muju | Муджу | 21,827 | |
13 | Чинан | 진안군 | Jinan | Чинан | 20,446 | |
14 | Чансү | 장수군 | Jangsu | Чансу | 19,424 |