Энэ улсын нэрийг монголоор '''Хоёр Сицил''', '''Хос Сицил''' гэж товчилно. Хос Сицил улс 1816-1861 оны хооронд 45 жил тогтнохдоо Итали орны өмнөд хагасыг эзлэн байв.
1759-аасөөс 1788 оны хоорондох [[Испанийн ван III Карлос]] нь Испанийн ван болохоосоо өмнө 1731 онд [[Парма|Пармын бэйс]] (''Duke of Parma'') болсныхоо дараа 1734 онд [[Неаполь]], [[Сицил]]ийн хоёр вант улсыг байлдан эзлэж Неаполийн VII Карлос, Сицилийн V Карлос хэмээн өргөмжлөгдөж эзэн мэдэх болжээ. 1759 онд тэрээр Испанийн ван болж дэвшсэний дараа түүний 3-р хөвүүн 1825 он хүртэл Неаполь, Сицилийн вангийн титмийг залгасан юм. Тэрхүү [[Хоёр Сицилийн I Фердинанд ван|I Фердинанд ван]] тавиад жил хоёр газрын ван байсны дараа 1816 онд хоёр улсыг нэгтгэж энэхүү Хоёр Сицилийн вант улс гэж түүхэнд тэмдэглэгдэх улсыг үүсгэсэн юм. I Фердинандаас хойш түүний удмын 3 ван үе залган төр бариад 1860 онд [[Сардины вант улс]]ын түлхэлтээр бүрэн эрхээ алдаж Хоёр Сицилийн газар нутаг шинээр байгуулагдсан нэгдмэл [[Италийн вант улс]]ын бүрэлдэхүүнд оржээ.
