Мигель Сервантес: Засвар хоорондын ялгаа

'''Мигель Сервантес''' ({{lang-es|Miguel de Cervantes Saavedra}}, 1547 он 9 сар 29 өдөр w:Alcázar de San Juan - 1616 он 4 сар 23 өдөр) нь [[Испани|Испанийн]] үргэлжилсэн үгийн [[зохиолч]]. "[[Дон Кихот]]" хэмээх зохиолоороо алдартай.

Сервантес нь доод угсааны язгууртны 2 дахь хүү нь болж төржээ. Аав нь эмч байсан гэдгээс түүнийг "[[конверсо]]"((converso) буюу ервейн шашинаас католик шашинд сүжиглэх болсон хүн) байсан гэх судлаачид бий.

Бага наснаасаа л ном зохиолд дуртай байсан ч, ийш тийш их шилждэг байснаас олигтой боловсрол эзэмших боломж олдоогүй байна. Гэвч 1564 онд [[Мадрид|Мадридад]] шилжин ирсэн Сервантес нь сэргэн мандлын үеийн бичгийн их хүн [[Лопес де Хоёс|Лопес де Хоёсд]] шавь орж, түүнээр заалгуулах болжээ. Сүүлд Хоёс нь Сервантесийн талаар "Бид ахан дүүсийн барилдлагат хоёр" гэж өөрсдийнхөө талаар хэлсэн байдаг.

1569 онд [[Ром руу]] орж, [[Наполи|Наполид]] цэрэгт орох хүртэл түүний юу хийж байсан нь тодорхойгүй.

Цэргийн албанаас буцах замдаа [[Алжер|Алжерийн]] далайн дээрэмчидэд баригдаж, олзны хүн болсон байна. Цэргийн удирдлагад тодорхойлолт бичиг хийлгэн биедээ авч явж байсан нь гай болж, түүнийг том хүн гэж андуурсан дээрэмчид төлж барахын аргагүй мөнгөөр солилцоо хийхээр болов. 5 жилийн турш Алжирт хоригдож 4 удаа оргох оролдлого хийсэн боловч бүгд бүтэлгүйтэв. Нэгэн христийн шашны сайн санааны бүлэглэлийн тусламжтайгаар эх орондоо буцжээ.

Цэргийн удирдагч болох хүсэл нь ч бүтэлгүйтэж, 1585 онд анхныхаа зохиол болох малчны өгүүлэл болох "[[Ла Галати]](La Galatea)"-гаа хэвлүүлсэн боловч нээх үнэлэгдсэнгүй.

1585 онд эцэг Родиего нь нас барж, ар гэрээ авч явах ажил түүнд ирэв. "Армада" хөлгийн хүнсний барааны борлуулалтын ажилд орж, Испанийн ихэнх газраар хэсүүчлэн хүнсний бүтээгдэхүүн нийлүүлж байв. Хөлөг онгоц нь Армандагийн далайн тулаанд сүйрч дараахан нь ажилгүй болов. Арайхийн татвар хураагчын эрх аван ажиллаж байтал, татвараар хураасан мөнгөө хадгалж байсан банк нь дампуурч, татварын мөнгөө 30 дахин төлөх торгуулд унаж, төлж чадалгүй шоронд оржээ. Энд байхдаа алдарт хүргэсэн зохиол "[[Дон Кихот]]"-ныхаа санааг боловсруулсан гэж зохиолынхоо оршил хэсэгт дурдсан байдаг. 1605 онд "[[Дон Кихот]]" нь хэвлэгдэж нэрд гарсан ч, хэвлэж зарах эрхийг хямдхан олгож байснаас амьдрал нь нээх дээрдсэнгүй. Гэвч гандан бууралгүй зохиол бичих ажлаа үргэлжлүүлж "Богино өгүүллэгийн түүвэр"(1613), "[[Дон Кихот]]"(1615)-н үргэлжлэл хэсгүүдийг хэвлүүлж алдрын оргилд хүрчээ.