Атлантис: Засвар хоорондын ялгаа

Атлантис (Atlantis, оросоор Атлантида) бол домогт сөнөсөн соёл иргэншилийн нэр юм. Судлаачдын таамаглаж байгаагаар Атлантис нь өнөөгийн хүн төрөлхтний соёл иргэншилийн анхдагч голомт нь байсан бололтой. Атлантисын тухай хамгийн анх эртний герегийн сэтгэгч Платон өөрийн "Тимей", "Критий" хэмээх зохиолуудад дурдсан байдаг. Түүний зохиолд дурдсанаар Атлантис нь Атлантын далайд байсан томоохон арал (эсвэл тив?) бөгөөд ойролцоогоор 10-8 мянган жилийн өмнө байгалийн аюумшигт гамшигийн улмаас "нэг өдөр, нэг шөнө"-ийн дотор усанд живж алга болжээ. Атлантисын оршин суугчдыг атлантууд гэдэг байв. Төрөлх арал нь сүйрч алга болоход амь гарч үлдсэн атлантууд Атлантын далайн зүүн, баруун эргийн дагуу орших газар орнуудад хүрч, уугуул оршин суугчдыг соёл иргэншилийн үндэстэй танилцуулсан гэнэ. Эдгээр газар орнууд нь Умард Африк, Хоёр мөрний хөндий, баруун өмнөд Европ болон Төв Америк, Өмнөд Америкийн зүүн эрэг хавь бололтой. Хожим нь тэдгээрт Эртний Египет, Сүмэр, Майя, Инкийн соёл иргэншлүүд цэцэглэн гарч ирсэн.