Сибирийн түр Засгийн газар
Сибирийн түр Засгийн газар (орос. Временное Сибирское правительство, Пётр Вологодский тэргүүлсэн, 1918 оны 6-р сарын 30-нд байгуулагдаж- 1918 оны 11-р сарын 3-нд татан буугдсан) - 1918 оны зун Чехословакийн корпусын бослогын үр дүнд Зөвлөлт засгийн эрх мэдэл тогтсон Сибирь, Алс Дорнодын бүс нутгийн түр Засгийн газар юм. 1918 оны 11-р сарын 4-нд Сибирийн түр Засгийн газрын яам, төв газруудын үндсэн дээр Бүх Оросын Сайд нарын Зөвлөл хэмээх гүйцэтгэх байгууллага 9-р сарын 23-нд байгуулагдсан.
Түүх
засварлах1918 оны 3-р сард Сибирьт Зөвлөлтийн засгийн газар тогтоосны дараа Сибирийн түр Засгийн газрын дарга П.Я.Дербер засгийн газрынхаа хэсэг гишүүдийн хамт Харбин руу, дараа нь 6-р сард Владивосток руу нүүжээ. П.Дербер большевикуудын хяналтад байдаг нутаг дэвсгэрт төлөөлөгчөөр явахаасаа өмнө М.Я.Линдберг, Б.Д.Марков, П.Я.Михайлов, В.О.Сидоров гэсэн дөрвөн хүний бүрэлдэхүүнтэй Баруун Сибирийн нууц Комиссариатыг (товч. БСК) байгуулжээ. Тэд бүгд эсерүүд буюу Социалист-хувьсгалчдын намын (орос. Партия социаластов-революционеров) гишүүд байсан.
1918 оны хаврын Чехословакийн корпусын бослого нь Сибирийн эрх мэдлийг большевикуудын эсрэг хүчинд шилжүүлэх эхлэлийг тавьсан юм. Цагаан арми, Чехословакийн корпусын хүчнүүд ар араасаа Баруун болон Зүүн Сибирийн хотуудыг эзлэн авч эхэлсэн байна. 1918 оны 6-р сарын 6-нд Омск хотыг үндсэндээ энхийн замаар эзлэн авсан байна. Үүний үр дүнд 6-р сарын турш Омск хотод хэлэлцээр, зөвлөлдөх уулзалтууд явагдсан бөгөөд үүний үр дүнд 1918 оны 6-р сарын 30-нд шинэ Сайд нарын зөвлөл байгуулагдаж, дараа нь өөрсдийгөө Сибирийн Түр засгийн газар (СтЗГ) гэж нэрлэсэн байна. Засгийн газрын тэргүүнээр Гадаад харилцааны сайд П.В.Вологодский болсон байна. Сайд нарын анхны зөвлөлд П.Вологодскийгаас гадна Дотоод хэргийн сайд В.М.Крутовский, Орон нутгийн хэргийн сайд М.Б.Шатилов, Сангийн сайд И.А.Михайлов, Хууль зүйн сайд Г.Б.Патушинский нар оржээ.
1918 оны 10-р сард тус байгууллага Бүх Оросын түр Засгийн газрын эрх мэдлийг хүлээн зөвшөөрч, өөрөө татан буугдсан байна.