Свен Хедин

Свен Андерс Хедин (швед хэлээр Sven Anders Hedin; 1865.02.19 онд Стокгольм хотод төрсөн. 1952.11.26 тус хотод нас барсан.) Шведийн газарзүйч, топографич, судлаач, гэрэл зурагчин, аялал жуулчлалын зохиолч, өөрийн бүтээлийн зураач байсан. Тэрээр Төв Ази руу хийсэн дөрвөн экспедицийн үеэр Транс Гималайг баруунд алдаршуулж, Брахмапутра, Индус, Сутлеж мөрний эх үүсвэрийг тогтоожээ. Тэрээр мөн Лоп Нур нуур, Таримын сав газрын элсэн цөл дэх хотуудын үлдэгдэл, булшны газар, Хятадын цагаан хэрэм зэргийг зурагласан. Хедин "Från pol till pol" номондоо 1880-аад оны сүүлээс 1900-аад оны эхэн үеийн Ази, Европоор аялсан тухайгаа дүрсэлсэн байдаг. Хэдин аялж байхдаа Монгол, Турк, Кавказ, Тегеран, Ирак, Киргизийн ард түмний газар нутаг, Монгол, Оросын Алс Дорнод, Энэтхэг, Хятад, Япон зэрэг орноор айлчилжээ. Түүний Дундад Азийн газрын зураг нь нас барсны дараа хэвлэгдсэн.