Кит Руперт Мёрдок нь 1931 оны 3 дугаар сарын 11-нд төрсөн Австрали, Америкийн хэвлэлийн магнат хүн юм.

Р.Мёрдок 2012 он
Руперт Мёрдок 2012 оны 12 дугаар сар

Руперт Мёрдок нь "Ньюс корпораци" буюу “News Corporation” хэвлэл мэдээллийн холдингийг 1979 онд үүсгэн байгуулжээ. Хэвлэл мэдээллийн “News Corporation” холдингийн бүрэлдэхүүнд “The Wall Street Journal”, “The Times”, “The Sun” болон “New York Post” сонин ордог байна. Үүнээс гадна телевизийн “Fox News” суваг, “20th Century Fox” телевизийн компани болон “Dow Jones” мэдээллийн агентлагийг эзэмшдэг.

Их Британи дахь үйл ажиллагааЗасварлах

Руперт Мёрдок нь 1968 оноос хэвлэл мэдээллийн зах зээлд орж иржээ.

1968 онд Британийн сонины зах зээлд популист "Дэлхийн мэдээ" буюу "News of the World" сониныг худалдаж авчээ.

1969 онд өдөр тутмын "Нар" буюу "The Sun" сониныг худалдаж авав. "The Sun" сониныг шар хэвлэлийн хэлбэрт шилжүүлжээ.

"News of the World", "The Sun" хоёр сонинд ижил хэвлэх төхөөрөмж ашигласнаар зардлыг бууруулав.

1997 он гэхэд өдөр тутмын "The Sun" сонин 10 сая уншигчдыг татаж чаджээ.

1981 онд Руперт Мёрдок хүнд хэцүү байгаа "Times" болон "Sunday Times" сониныг Канадын сониныг эрхлэн гаргагч Лорд Томсоноос худалдаж авчээ.

Руперт Мердок бол Австралийн хэвлэлийн зах зээлийн 2/3-ыг хянахаас гадна Английн хамгийн их уншигчтай өдөр тутмын хоёр сонинг эзэмшдэг.

1980-аад оноос эхлэн Их Британийн Ерөнхий сайд Маргарет Тетчерийг идэвхтэй дэмжих болсон. Маргарет Тетчерийг халаагаа өгсний дараа түүний залгамжлагч Жон Маёорыг дэмждэг байв.

1997 оны сонгуулийн үеэр Руперт Мёрдок нь Европт явуулах бодлогоо өөрчлөх саналыг Маёорт тавьсан боловч Моёор татгалзсан хариу өгчээ. Иймд Руперт Мёрдокийн хэвлэлүүд Маёорын өрсөлдөгч Тони Блэйрийн талд үйлчилж эхэлсэн бөгөөд үр дүнд нь Тони Блэйр Ерөнхий сайд болсон гэсэн яриа бий.

Америк дахь үйл ажиллагааЗасварлах

1973 онд "Сан Антониогийн Шуурхай-Мэдээ" буюу "San Antonio Express-News" сониныг худалдаж авснаар Америк дахь хэвлэл мэдээллийн зах зээл дэх анхны худалдан авалтаа хийжээ.

1974 онд Руперт Мёрдок Америк уруу хэвлэл мэдээллийн зах зээлээ тэлэхийн тулд Нью-Йорк хот руу нүүсэн.

Өдгөө Америкийн "Wall Street Journal" сонины хамгийн их хувьцаа эзэмшигч юм.

Гадаад холбоосЗасварлах

Хэвлэлийн магнат Руперт Мердок сүй тавьжээ

Мэдээллийн эх сурвалжийн мастер Руперт Мурдок

Хэвлэлийн магнат Руперт Мердок сүй тавьжээ

Руперт Мёрдок: “Facebook” хэвлэлүүдэд мөнгө төлөх ёстой